Korterraza jaialdiak 35 film labur proiektatuko ditu Gasteizen
Korterraza film laburren jaialdiak pelikulak eta musika eramango ditu Gasteizera, ostegunetik larunbatera bitartean. Guztira, 35 film labur proiektatuko dituzte aire librean, doan, Artium museoaren barrualdeko plazan.
1.123 lan aurkeztu dituzte zinemagileek jaialdira, eta horietatik guztietatik 35 aukeratzea ez da lan erraza izan, antolatzaileek adierazi dutenez.
Jaialdiko filmetatik, zortzi Araban ekoitzitakoak dira. David Perez Sañudoren Artesania, Nerea Torrijosen Influencer, Sonia Estevezen Malkoak, Mikel Bustamanteren Nacimiento eta Aitzol Saratxagaren Lanbroa, esate baterako. Azken horrek aita-alaba batzuek basoan sortzen den lanbroaren aurrean bizi duten ikara kontatzen du.
Korterrazaren edizio honetan, Gurutze Beitia eta Susana Soleto aktoreek eta Aitor Lopez de Aberasturi zuzendariak osatuko dute epaimahaia.
Film emanaldien aurretik, kontzertuak egongo dira, ohi bezala, 18:30etik aurrera. Ostegunean, The Soulbreaker Company eta Rufus T. Firefly taldeek joko dute, ostiralean MFC Chicken eta Kamikaze Helmetsek eta larunbatean Memphisek eta Sex Museumek.
Gasteizko uztailaren 20tik 22rako emanaldi nagusiak ez ezik, ekainaren 24tik hasita eta irailaren 9ra arte Korterrazak hainbat emanaldi eskaini ditu eta eskainiko ditu Arabako hainbat herritan: Aramaion, Artziniegan, Langarikan, Erentxunen, Orbison, Burgelun, Maeztun, Murgian, Narbaxan, Durruman, Eturan, Gebaran, Legution, Okondon, Lotzan, Urizaharrean, Gesaltza Añanan, Dulantzin, Urturi, Berantevillan, Ozion, Zabalaten, Bastidan, Agurainen, Araian, Amurrion, Komunionen, Larrazubin, Estavillon, Laudion, Uribarri Ganboan, Duran, Zurbaon, Antoñanan, Iekoran, Bovedan, Corron, Izarran, Lantenon, Zuhatzu Kuartangon, Okinan eta Ondategin.
Zure interesekoa izan daiteke
"Benetako istorioak", Fipadoc Biarrizko jaialdian
Bederatzi egunean, 150 film ikusteko aukera izango da Lapurdiko udalerrian. Espainiako eta Portugalgo lanei garrantzi berezia eman diete egitarauan, eta hainbat euskal ekoizpen izango dira, hala nola Idi film laburra eta Akelarre plaza taldearen inguruko dokumentala.
Gautu zen derrepentean Errenteriako Kapitanenea kalean
Jantzien Museoak zinemarekiko zerikusi erabatekoa duen aldi baterako erakusketa estreinatu du Errenterian. Lehenbizikoa! Hainbeste urte pasa eta gero!
Euskal zinemak garai eztia bizi du: zeintzuk dira arrakastaren gakoak?
Azken Goya sarietan 47 izendapen lortu dituzte euskal ekoizpenek. Hala ere, arrakasta hau ez da soilik azken urte honetako kontua. Duela urte batzutatik hona, ekoizpenak ugaritu egin dira eta aretoetan zein sariketetan emaitza onak lortzen ari dira.
Zinemasteak hamar euskal pelikula eskainiko ditu Gasteizko bere egoitza berrian
Euskal zinemaren jaialdiak hamar film proiektatuko ditu urtarrilaren 23tik 30era Vital Fundazioak Posta kalean duen espazio berrian. Amaiera gala eta sari banaketa hilaren 31n egingo dute, Europa jauregian.
Susana Abaitua: "Zoro moduan oihuka aritu naiz etxean, poz aparretan"
Susana Abaitua aktorea Emakumezko Aktore Protagonista Onenaren Goya sarirako izendatu dute, Un fantasma en la batalla filmean egindako lanagatik, eta albistea "nahiko sorpresaz" jaso duela esan du. Hala ere, ez du poza ezkutatzen, eta nabarmendu du, izendatu izan ez balute ere, horrek ez liokeela baliorik kenduko bere aktore lanari, "izendatuak izan ez diren beste kide batzuen lana bezala".
Alauda Ruiz de Azuak, "Los domingos" filmaren zuzendariak, Goya sarietarako 13 izendapenak ospatu ditu
Alauda Ruiz de Azua Los domingos filmeko zuzendari bizkaitarrak Goya sarietarako jaso duen babesa ospatu du astearte honetan. Izendapen horiek hunkitu egin dutela dio, bere lan ingurunea asko zaintzen duelako, "nire aliatuak direla sentitzen dut beti".
Jose Mari Goenaga: "Pelikularen bizialdia luzatzea, izendapen eta sarien bitartez, oso garrantzitsua da"
Jose Mari Goenaga, Maspalomas filmaren zuzendarietako bat, oso pozik agertu da Goya sarietan 9 izendapen jaso berritan. Bereziki poztu du Kandido Uranga aktore-taldeko aktore onenaren sarirako izendatuta egoteak. Sariek eta izendapenek pelikularen bizialdia luzatzen dutela uste du, eta horrek promoziorako duen garrantzia azpimarratu du.
"Los domingos" eta "Maspalomas" izendatu dituzte Goya sarietako film onena izateko
47 euskal profesional eta film izendatu dituzte Goya sarietarako. EITBren parte hartzea duten hiru filmek 13 izendapen jaso dituzte. Gala Bartzelonan izango da, datorren otsailaren 28an.
"One Battle After Another" eta "Adolescence" nagusi, Urrezko Globoetan
Paul Thomas Anderson zuzendariaren filmak bete egin ditu aurreikuspenak; bederatzi izendapen zituen, eta lau sari jaso ditu. Serieen artean Adolescence izan da sarituena, lau bereganatuta.
'Gaua' filmeko jantziak herritarren eskura jarri dituzte ikusgai
Errenteriako Jantzien Zentroak Paul Urkijoren azken pelikulan erabili diren hainbat jantziren erakusketa antolatu du. XVII. mendean Euskal Herrian erabiltzen ziren jantzien erreplikak dira eta aberatsen eta herri xumearen artean zegoen aldea modu nabarmenean erakusten dute. Martxoaren 22a arte ikusgai egongo dira.