Emmy sariak datorren urtera atzeratuko dituzte aktore eta gidoilarien grebaren aurrean
Telebista Akademiak eta Fox kateak Emmy sariak emateko gala 2024ko urtarrilera atzeratzea erabaki dute, aktore eta gidoilarien sindikatuek martxan jarri dituzten greben aurrean, AEBetako hedabideek gaur iragarri dutenez.
The Hollywood Reporter hedabide espezializatuak dioenez, Emmy Primetime izena hartu duten urteroko sariak urtarrilera mugituko dituzte, irailaren 18rako programatuta bazeuden ere, baina oraindik ez dago data zehatzik.
Variety aldizkariak ere eman du atzerapenaren berri, eta erantsi du zerbitzu hornitzaileak jakinaren gainean jarri dituztela galaren antolatzaileek.
Aktore eta gidoilariek afiliatuei eskatu diete ez dezatela egindako lanaren publizitatea egin, eta, entretenimenduaren sektoreko sari banaketa batean, neurri horrek eragina izango luke, noski, galaren aurkezleengan, gonbidatuengan eta saridunengan.
2022an, Emmyen galako 25 sarietatik 16 aktore edo gidoilarientzat izan ziren, aldizkariak jasotzen duenez.
Aktoreek adimen artfiziala arautzea eskatzen dute, baita ordainsari handiagoak "streaming" zerbitzu batek ekoizpen bat merkatu berri batean saltzen duenero eta gutxieneko soldata handitzea ere, besteak beste.
Zinemaldia
Jose Luis Rebordinos Zinemaldiko zuzendariari ere galdetu diote grebak Donostiako jaialdian izan ditzakeen ondorioen gainean, eta esan du egoera ez dagoela erabat argi oraindik.
Zure interesekoa izan daiteke
‘Itzalak argitzen’: euskal zinemaren lau klasikoren zaharberritze prozesua erakusten duen dokumentala
Koldo Almandozek eta Gorka Bilbaok 'Itzalak argitzen' dokumentala gauzatu dute 80ko hamarkadaren erdialdean ekoitzitako lau film ertain zaharberritzeko prozesua dokumentatu ostean: ‘Hamaseigarrenean, aidanez’ (Anjel Lertxundi, 1985), ‘Zergatik panpox’ (Xabier Elorriaga, 1985), ‘Ehun metro’ (Alfonso Ungria, 1985) eta ‘Oraingoz izen gabe’ (Jose Julian Bakedano, 1986). Euskadiko Filmategiaren barruko Euskal Zinema zikloan estreinatuko da.
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.