Hiroshi Teshigahara zinemagile japoniarraren atzerabegirakoa eskainiko du Zinemaldiak
Donostiako Zinemaldiaren 71. edizioak Hiroshi Teshigahara zinemagile japoniarrari buruzko atzerabegirakoa eskainiko du zinema klasikoaren zikloan, eta hark 1953 eta 1992 artean zuzendu zituen 20 titulu erakutsiko dira (film luzeak, ertainak eta laburrak).
Hiroshi Teshigahara (1927-2001) XX. mendeko 60ko hamarkadako zinema japoniarreko funtsezko zuzendarietako bat da, poetika esperimentaleko pelikula batzuei eta Kobo Abe idazlearekin izandako lankidetza luzeari esker. Espainian ikusi ahal izan zen haren filma bakarra, Suna no onna/Woman in the Dunes (1964), garai haren eta Teshigahararen estiloaren isla da.
Errealizadore japoniarrak Arte Ederrak ikasi zituen, eta 50eko hamarkadaren erdialdean hasi zen zinemaren munduan, film labur dokumentalaren esparruan. II. Mundu Gerran erresistentzia mugimenduek erakutsi zituzten Mendebaldeko zinema korronte guztiek interesa piztu zioten. Cinema 57 izeneko klub baten parte ere izan zen. Bertan, askotan areto komertzialetan ikusten ez ziren dokumentalak proiektatzen eta eztabaidatzen zituzten.
Zinema dokumentalarekiko interes hori ondoren egin zituen fikziozko film luzeetan ere islatu zen.
Kobo Abe idazlearekin batera egindako lana oso emankorra izan zen. Honek hainbat pelikuletako gidoiak idatzi zituen eta bere hiru eleberri zinemara egokitu zituen Teshigaharak eskatuta.
Donostiako Zinemaldian Japoniako zinemagilearen bi lan ikusteko aukera izan da orain arte. 1985eko edizioan, Suna no onna zinta aurkeztu zuen "Errautsak eta diamanteak" zikloan. 2008an, berriz, Moetsukita chizu proiektatu zen "Japonia beltzean" atzerabegirakoaren barruan.
Atzerabegirako hau "Klasikoak" zikloaren parte da. Euskadiko Filmategiarekin batera antolatu, eta Japan Foundation eta Etxepare Euskal Institutuarekin elkarlanean egin da, "Euskadi Japonia 2023" programaren baitan. Zikloaren osagarri gisa, Inuhiko Yomotaren Crónicas de vanguardia. Conversaciones con Hiroshi Teshigahara liburua argitaratuko da, japonieratik Daniel Aguilarrek itzulia.
Albiste gehiago zinema
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.
El Gran Wyoming da Fantasiazko eta Beldurrezko Zinemaren Asteko kartel ofizialeko protagonista
Urriaren 31tik azaroaren 7ra egingo dute Donostiako zinema jaialdiaren 36. edizioa. Espainiar aurkezle, aktore eta musikaria "Eraserhead" David Lynch zenaren lehen filmeko protagonista bihurtu da kartelerako.
Munduaren akabamendua Aragoiko basamortuan
Zeluloidezko ispilatzeetan barna gabiltza "Sirat"en adoratzaileok, burua erdi sano erdi joana dugula. Igual esnatzen garenean, sendatzen garenean, Nafarroako Errege Bardean gaudela deskubrituko dugu .
Zinemagileen "Tabakalera Belaunaldia"ri gorazarre, asteburuan Donostian
Kultura zentroaren 10. urteurrenaren harira, Zinemaldiak, Elías Querejeta Zine Eskolak, Euskadiko Filmategiak eta Tabakalerak osatzen duten ekosistemaren abaroan hazi den zinemagile belaunaldia omenduko dute asteburu honetan.
15 filmek hartuko dute parte Zinegoak zinema jaialdiko Sail Ofizialean
Bilboko LGTBIQ+ zinema eta arte eszenikoen jaialdiaren 22. edizioan, Zero Chou taiwandar zinemagileak jasoko du Ohorezko Saria. "Jone, batzuetan" filmaren Euskal Herriko estreina egingo dute.