Zinema Akademiak gaur jakinaraziko du zein pelikulak ordezkatuko duen Espainia 2024ko Oscar Sarietan
"20.000 especies de abejas" Estibaliz Urresolaren film saritua eta "Cerrar los ojos" Victor Ericek Cannesko zinema jaialdian aurkeztu zuen lana dira Espainiako Zinema Akademiak Oscarretara aurkeztuko duen filma izateko hiru hautagaietako bi. Hirugarrena, "La sociedad de la nieve", Juan Antonio Bayonarena. Gaur jakingo zein pelikulak ordezkatuko duen Espainia 2024ko Oscar Sarietan. 11:00etan egingo du iragarpena Espainiako Zinema Akademiak.
Oscar sariak banatzeko ekitaldia martxoaren 10ean (martxoaren 11ko goizaldea Euskal Herrian) egingo dute, Los Angelesen.
"20.000 especies de abejas" filma Berlinalen aurkeztu zuen Estibaliz Urresola laudioar zinemagileak, eta Sofia Otero protagonistak aktore onenaren Zilarrezko Hartza jaso zuen bertan. Gainera, Malagako zinema jaialdian, film onenaren eta bigarren mailako emakumezko aktore onenaren (Patrica Lopez Arnaiz) sariak bereganatu zituen zortzi urteko haur baten eta haren ingurukoen trantsizioari begiratzen dion film hunkigarri eta argigarriak.
"Cerrar los ojos", berriz, Victor Ericeren fikziozko lehen film luzea da hogeita hamar urtean, eta Cannesko jaialdian aurkeztu zuten, lehiaketatik kanpo. Pelikula bat filmatzen ari dela desagertu den aktore baten (Coronado) istorioa du kontagai "Cerrar los ojos" filmak. Inoiz ez dute haren gorpua aurkituko; 22 urte geroago, telebista saio batek hura gogoratzeko saio bat egingo du, eta antzeztu zituen azken eszenak proiektatuko ditu.
Identitateari eta memoriari buruzko filma da, eta Ericeren artista gustukoen hainbat erreferentzia ditu, hala nola Juan Marse eta Borges idazleenak, baita zenbait autoerreferentzia ere, Ana Torrent aktorearen presentzia esate baterako.
Umea zela, Torrent "El espíritu de la colmena" Ericeren lehen filmean agertu zen, eta gerora kultuzko pelikula bihurtu den lan horrek Urrezko Maskorra irabazi zuen Donostiako Zinemaldian. Hain zuzen ere, irailaren 29an Victor Ericek Donostiako Zinemaldiaren beraren Donostia saria jasoko du, bere ibilbide osoaren goresgarri.
Bi lanek ETBren parte-hartzea dute.
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.