"Moscas" Aritz Morenoren filma Sitgeseko Sail Ofizialean lehiatuko da
Aritz Moreno donostiar zuzendariak Fantasiazko Zinemaren Kataluniako Nazioarteko Jaialdiaren Sail Ofizialean parte hartuko du, urriaren 5etik 15era egingo duten topagunearen 56. edizioan.
Bere bigarren film luzean, Morenok eleberri bat egokitu du, Ventajas de viajar en tren aurreko pelikulan egin zuen bezala. Oraingoan, Que de lejos parecen moscas Kike Ferrari argentinarraren eleberria egokitu du, Javier Gullonen (Ventajas de viajar en tren, Enemy) gidoi bat oinarri hartuta.
Ernesto Alterio, negoziolari boteretsu eta eskrupulurik gabea, ataka larrian dago: autoko gurpil bat zulatu ostean, gorpu bat aurkituko du maletategian.
Argazkilaritzaren arduraduna Javier Agirre (Handia, Maixabel, Oreina, La trinchera infinita) da, eta musika Maite Arroitajauregik idatzi du.
Euskal zinema gehiago
Moscas lanak Robot dreams Pablo Berger (Torremolinos 73, Blancanieves) bilbotarraren animaziozko filmarekin bat egingo du Sail Ofizialean.
Gainera, lehiatik kanpo, La ermita ikusi ahalko da, Bixagu Entertainment euskal etxeak ekoitzia eta Belen Rueda protagonista duena. Euskal Herrian EITBren parte-hartzearekin filmatuta, Maia Zaitegi debutaria, Josean Bengoetxea, Loreto Mauelon, Jon Olivares, Elena Irureta eta Nagore Aranburu daude aktore zerrendan.
BEHARBADA, HAU INTERESATUKO ZAIZU
"Robot Dreams" eta "La ermita" pelikulak Sitgeseko jaialdian izango dira
30 monedas
Bestalde, Alex de la Iglesia bilbotar zinemagileak 30 monedas (HBO) telesailaren bigarren denboraldia aurkeztuko du Fantasiazko Zinemaren Kataluniako Nazioarteko Jaialdian, eta Acción Mutante ere ikusi ahalko da, Sitges Clàssics atalean.
Zure interesekoa izan daiteke
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian “Entre Juan y Juanito” ikusi ahal izango da, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: “Sustraiak”.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.
Bost euskal film labur, Zinebiren Sail Ofizialean
Bea Lema, Aitor Gametxo, Ainhoa Ordoñez, Giulia Cosentino, Perla Sardella eta Maren Zubeldia eta Silvina Guglielmottiren azken lanak Bilboko Dokumentalen eta Film Laburren Nazioarteko Jaialdiak lehiatuko dira. Gaur hasi, eta hilaren 28an amaituko da 67. edizioa.
Jende-oste handi batez inguraturik eraikitako basoan
Gero eta luzeagoak dira filmen bukaerako kredituak, gero eta jende-multzo handiagoa baita ezinbesteko pelikula bat osatzeko. Are, Gaua filmean bezala, fantasiaren mugetan aritzen bagara.
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.