'20.000 erle espezie' filmak 15 izendapen lortu ditu Goya sarietarako
Estibaliz Urresola zuzendari arabarraren 20.000 erle espezie film luzea da Goya sarien 38. edizioko faboritoa, 15 izendapenekin. Urresolaren pelikulaz gain, EITBren parte-hartzea duten beste bost film daude Zinema Akademiak ostegun honetan argitaratu duen izendapenen zerrendan: Victor Ericeren Cerrar los ojos (11 izendapen), Arantxa Echevarriaren Chinas (4 izendapen), Felix Viscarreten Una vida no tan simple (1 izendapen), Isabel Hergueraren El suelo de la sultana (1) eta Carlota Peredaren La Ermita (1). Euskal ekoizpenek 45 izendapen jaso dituzte guztira.
EITBren partaidetza duten filmak kategoria nagusietako gehienetan lehiatzen dira. Horrela, 20.000 erle espezie eta Cerrar los ojos filmak Film Onenaren kategorian lehiatuko dira Juan Antonio Bayonaren La sociedad de la nieve, David Truebaren Saben Aquell eta Isabel Coixeten Un amor lanekin batera.
Zuzendari Onenaren kategorian, Victor Ericek Juan Antonio Bayona, David Trueba, Isabel Coixet eta Elena Martin (Creatura) zuzendariak izango ditu aurrean.
Bestalde, Estibaliz Urresola Zuzendari Berri Onenaren kategorian lehiatuko da Itsaso Aranarekin (Las chicás están bien), Alejandro Rojas eta Juan Sebastián Vásquez (Upon Entry), Álvaro Gago (Matria) eta Alejandro Marín (Te estoy amando locamente).
Jatorrizko Gidoi Onenaren kategorian, 20.000 erle-espezie eta Cerrar los ojos aurrez aurre egongo dira Upon Entry, Una vida no tan simple eta Te estoy amando locamente pelikulekin.
Gidoi Egokitu Onenaren kategorian, Pablo Bergerren Robot Dreams animaziozko euskal ekoizpena Patricia Fonten El maestro que prometió el mar, La sociedad de la nieve, Saben Aquell eta Por un amor filmeekin lehiatuko da.
Era berean, euskal ekoizpenetan aritu diren aktore ugarik jaso dituzte izendapenak kategoria ezberdinetan (protagonista, antzeztaldeko edo antzezle berri) egindako lanagatik: Patricia López Arnaiz, Martxelo Rubio, Ane Gabarain eta Itziar Lazkano (20.000 erle-espezie); Manolo Solo, Jose Coronado eta Ana Torret (Cerrar los ojos); Alberto Amann (Upon Entry); Julio Hu Chen, Xinyi Ye eta Yeju Ji (Chinas) eta Janet Novas (O Corno).
Izendapen gehien jaso dituzten filmen zerrenda egiten badugu, 20.000 erle-espezie dago lehen postuan 15 izendapenekin, eta ondoren datoz La sociedad de la nieve (13 izendapen), Saben aquell eta Cerrar los ojos (11 izendapen) eta Un amor (7 izendapen).
Gaur eman du ezagutzera izendapen guztien zerrenda Zinema Akademiak, Luis Tosarrek eta Anna Castillo aktoreek aurkeztu duten saio batean. Goya sarien webgune ofizialean ere eskegita dago.
Zure interesekoa izan daiteke
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.