30. urtebetetzerako prest da Fant jaialdia
Maiatzaren 3an "La mujer dormida" Laura Alvearen thriller psikologikoak eta 13 film laburren proiekzioak ireki, eta hilaren 11n "Late night with the devil" Cameron Cairnes eta Colin Cairnesen filmak itxiko du Fant Bilboko Zinemaldi Fantastikoaren 30. edizioa.
Indartsu hasteko, fantasiazko eta beldurrezko zinemaren jaialdiak irekiera saioan bertan sarituko ditu, Campos Eliseos antzokian, Javier Botet espainiar aktorea ("Rec", "El renacido", "Alien: Covenant", "It"…) eta Ivan Miñambres portugaletetar ekoizleari ("Birdboy", "Unicorn Wars", "El sueño de la sultana"…). Ohorezko Fant saria jasoko dute biek.
Bestalde, itxiera ekitaldian, maiatzaren 10ean BBK Aretoan, Estrella del Fantástico (fantasiazkoaren izarra) saria emango diete Pedro Olea bilbotar zinemagileari eta Lamberto Bava italiar zuzendari, ekoizle eta gidoilariari.
Gainera, Céline Rouzet frantziar zuzendari eta gidoigileak Fantrobia generoaren barruko talentu berrietarako saria jasoko du.
Sail Ofiziala
18 film luze lehiatuko dira, Film Luze Onenaren FANT 2024, Gidoi Onenaren eta Zuzendaritza Berritzaileenerako sarietarako bidean, tartean "Moscas" Aritz Moreno donostiarraren pelikula eta "Deviant" euskal ekoizpena, Daniel M. Caneiro katalanak zuzendua.
Film laburren atalean, berriz, 22 lan proiektatuko dituzte, tartean 13 euskal pelikula, horietako lau euskaraz: "Betiko gaua" (2023, Eneko Sagardoy); "Betizu buru" (2023, Kim Maiteny); "Conej Steps out" (2023, Pablo Rio); "Deadly Draw" (2023, Nitya López); "Europa" (2023, Ekain Irigoien); "Extrema grave" (2023, Lorenzo Ayuso); "Feminancy" (2023, Uxuri Etxegia Etxebeste); "Hado" (2023, Rubi Rock); "Jende arrotza" (2023, Imanol Ortiz López); "Nada de nada" (2023, Gastón Haag); "Ni lobos ni corderos" (2024, José Luis Acosta); "To bird or not to bird" (2023, Martín Romero); eta "Txotxongiloa" (2023, Sonia Estévez).
30. edizio honetan, 11 film luzek eta film laburren hiru emanaldik azpititulu elebidunak izango dituzte, euskaraz eta gaztelaniaz.
Primeran
Maiatzaren 2tik aurrera, Primeran plataforman leiho berezi bat izango du Fant jaialdiak, eta ikusgai jarriko dituzte, hartara, "Ilargi guztiak" film luzea (Igor Legarreta) eta jaialdiko aurreko edizioetan parte hartu zuten hainbat film labur: Ni a sol ni a sombra (Talia Hernando), Lanbroa (Aitzo Saratxaga), Au-pair (David Perez Sañudo), Carnívoro (Lander Castro), Hikikomori (Borja Crespo), Irten barrura (Aitor Mendilibar eta Ibon Goiko) eta El ruido solar (Pablo Hernando).
Gainera, Paul Urkijo zinemagileari ziklo berezia eskainiko zaio Primeran plataforman. Errementari film luzea eta zortzi film labur izango dira ikusgai.
Zure interesekoa izan daiteke
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.
“Gaua”, urkijotarrentzat
Paul Urkijo arabar zinemagileak bere hirugarren film luzea estreinatu du, “Gaua”, irudi txundigarriz generoko filmen osagaiak eta euskal mitologiaren kondairak sendotzen dituen pelikula.
“Argi gorriak” seriea azaroaren 7an estreinatuko dute, Bartzelonako Serielizados jaialdian
Itziar Ituño protagonista duen “komedia garratzak” thriller ukitua du. Jaialdiaren Sail Ofizialean lehiatuko da, 2026an EITBko Primeran plataforman estreinatu aurretik.
Xanti Rodriguez eta Amancay Gaztañaga "Piztiak" seriea filmatzen ari dira
EITBren parte-hartzea duen lana 2026an ikusi ahalko da Primeran plataforman. Yune Nogueiras da Gaztañaga eta Rodriguez zuzentzen ari diren lanaren protagonista.
?fmt=png-alpha&qlt=80)
“Llámame Sinsorga” dokumentala azaroaren 28an estreinatuko dute zinemetan
Marta Gomezek eta Paula Iglesiasek zuzendu dute, eta La Sinsorga Bilboko espazio feministaren sortzeko lnak ditu ardatz.
"Aro berria" filmaren trailerra
Azaroaren 28an iritsiko da zinema aretoetara Irati Gorostidi zuzendariaren lehen film luzea, Donostiako Zinemaldiko New Directors atalean epaimahaiaren aipamen berezia jaso eta gero. EITBren parte-hartzea duen filma ur-kontagailuen fabrika bateko langileen batzarrarekin hasten da: azkenean aurrera egingo ez duen greba bat eztabaidatuko dute. Desengainatuta, inkonformistenek eremu intimoagoetara bideratuko dituzte errotiko transformaziorako dituzten nahiak. Batzuek, fabrika utzi, eta mendietako komunitate isolatu batean integratuko dira, non dozenaka gaztek bilaketa bizia egingo duten, esperientzia katartiko partekatuen medioz.
Zinemakumeak Gara jaialdiak Alauda Ruiz de Azua, Maria Ripoll eta Al Borde Films ekoiztetxea sarituko ditu
Emakumeek zuzendutako filmen jaialdiaren 30. edizioa urriaren 27tik 30era egingo dute, Bilbon. Ruiz de Azuak eta Ripollek Simone de Beauvoir saria jasoko dute, eta Al Borde Filmsek, Bihargi EITB saria.
Zinegileek Moriarti ekoiztetxea saritu dute "Maspalomas" lanagatik
Zinema industriaren barruan zuzendarien kolektiboa ordezkatzeko sortu zen Accion elkarteak Aitor Arregiren eta Jose Mari Goenagaran ekoiztetxea saritu du larunbat honetan Espainiako Zinema Akademian izan den ekitaldian.
"Los domingos" eta "Decorado" zinema-aretoetara iritsi dira
Urrezko Maskorraren irabazlea eta animaziozko film luzea gaurtik aurrera egongo dira ikusgai Hegoaldeko zinema-aretoetan.