The Black Keys, The Mars Volta eta Diego Vasallo, Dock of the Bayren pantailetan
Dock of the Bay musika dokumentalaren Donostiako zinema jaialdiak egitarau osoa aurkeztu du: sail ofizialeko zortzi filmak, lehian izango diren zazpi film labur, Perfect Day ataleko aukeraketa, kontzertuak eta solasaldiak.
Trueba zinema aretoetan, Tabakaleran, Antzoki Zaharrean eta hiriko beste gune batzuetan garatuko dute programa, hala nola Le Bukowskin eta Santa Teresa komentuan.
Film luzeen sail ofizialean, zortzi pelikula lan lehiatuko dira, ekainaren 18tik aurrera eta flmotan hizpide hartuko dituzte Peaches taldea, Sexy Sadie, The Black Keys, Fernanda y Bernarda andanluziar ahizpa kantariak, Omar Rodríguez-Lopezen eta Cedric Bixler-Zavalaren (At the Drive-In / The Mars Volta) arteko harreman artistiko eta pertsonala, Lagartija Nick, Gudrunt Gut Alemaniako musikaren izarra eta Mogway.
Dock of the Bay jaialdiaren hamazazpigarren edizio honetan zazpi film labur eskainiko dira, horietako sei saio bateratu batean, ekainaren 20an, ostegunean, Tabakalerako zinema aretoan: Punkaren beste aldea Perlata taldeari buruzkoa, El camino del ruido, Un punk ejemplar, If the clouds fall, Ressonàncies (d'una música callada) eta Barranco, el regreso de la Filoxera Fiteroko Nafarroa Barranco Fest musika jaialdia erakusten duen film esperimentala.
Perfect Day lehiaz kanpoko atalean ere hainbat dokumental proiektatuko dituzte, tartean, ekainaren 18an, Beatriz Echeverriaren Diego Vasallo, La Posteridad Para Más Tarde filma, Vasallo bertan dela.
Diego Vasallok berak kontzertua eskainiko du, jaialdiaren barruan, ekainaren 19an, Tabakaleran, eta hurrengo egunean Kokoshca iruindarren txanda izango da.
Bestalde, Santa Teresa komentuak Janela, leiho ireki bat Gorka Urbizuren sormen unibertsoari erakusketa izango du ikusgai ekainaren 14tik uztailaren 14ra.
Gorka Urbizuren Hasiera bat diskoaren sorkuntza prozesuari eta lehen emanaldiei zabaldutako "leiho" txiki bat da, eta erakusketak Ibai Arrietaren argazkiak eta Alexander Cabeza Trigg zinemagilearen ikus-entzunezko batzuk biltzen ditu, baita Kaier bat liburua eta Hasiera bat diskoa ere.
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.