Cannes nagusi Zinemaldiko Perlak saileko aukeraketan, Garaño eta Arregiren pelikula ahaztu gabe
Beste jaialdi batzuetako hamahiru film lehiatuko dira Donostia Hiria Publikoaren Saria eskuratzeko Perlak sailean. Horietako zortzi Cannesetik datoz, Urrezko Palma barne, baina Zinemaldiak Berlin, Venezia, Sitges eta Annecyko bitxiak ere aukeratu ditu.
Cannesen aurten Urrezko Palma irabazi duen filma, Sean Bakerren Anora, nabarmenetakoa izango da. Errusiako oligarka batekin ezkontzen den Brooklyngo sexu-langile gazte baten istorioa kontatzen du.
Frantziatik iritsiko dira, halaber, Epaimahaiaren Saria, Emilia Pérez (Jacques Audiard), sailaren inaugurazioan bertan, eta Epaimahaiaren Sari Berezia eta FIPRESCI Saria, Daney Anjir Maabed (Mohammad Rasoulof). Bird (Andrea Arnold), Megalopolis (Francis Ford Coppola), En fanfare (Emmanuel Courcol), Oh Canada (Paul Schrader) eta Parthenope (Paolo Sorrentino) filmek osatzen dute Donostiara etorriko den Cannesko jaialdiaren selekzioa, Errealizadoreen Hamabostaldian saria irabazi zuen All We Imagine as Light (Payal Kapadia) filmarekin batera.
Donostiarren eta bisitarien saria eskuratzeko lehian, honako animazio hauek ere lehiatuko dira: Memoir of a Snail (Adam Eliot), Annecyko Zinemaldian film luze onenaren Kristala irabazitakoa; The Substance, Coralie Fargeat Sitgesko zuzendari onena izendatzeko balio izan zuena; Hong Sansooren A Traveler 's Needs, Zilarrezko Hartza-Epaimahaiaren Sari Nagusia Berlinen, eta Ainda Estou Aqui (Walter Salles), bi aste barru Venezian izango dena.
Hamahiru film horiez gain, lehiaketatik kanpo, Jon Garaño eta Aitor Arregiren Marco pelikula berria nabarmentzen da. Zuzendari gipuzkoarren filma Veneziako Mostrako Orizzonti sailean estreinatuko da, eta jarraian Belodromora helduko da. Marco (Eduard Fernandez) bere biografia faltsutu duen gizon bat da, Flossenbürgeko kontzentrazio-esparrutik bizirik atera zelakoan.
Chris Sandersek zuzendutako DreamWorks-en animazio epiko batek (The Wild Robot) eta Tom Volfek eta Yannis Dimolitsasek Maria Callasi buruz egindako dokumental batek osatuko dute Perlak, lehiaketatik kanpo.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.