Yorgos Lanthimosen 'Poor Things'ek jasoko du urteko film onenaren Fipresci saria
Yorgos Tanthimos greziar zuzendariaren 'Poor things' pelikularentzat izango da urteko film onenaren Fipresci saria, eta irailaren 20an emango dute golardoa, Donostiako Zinemaldiaren 72. edizioaren hasiera ekitaldian.
Nazioarteko Kritikarien Federazioko 791 kideren bozketaren ostean, pelikula horixe izan da garaile 2023ko uztailaren 1etik aurrera estreinatutakoen artean, Zinemaldiak jakinarazi duenez.
Gainerako pelikula finalistak hauek izan dira: 'Do not Expect Too Much from the End of the World', Radu Jaderena; 'Aku Wa Sonzai Shinai', Ryusuke Hamaguchirena; 'All of US Strangers', Andrew Haighena; eta 'The Seed of the Sacred Fig', Mohamad Rasoulofena (azkena Perlak sailean ikusi ahal izango da).
'Poor things', Emma Stone, Mark Ruffalo eta Willem Dafoe protagonista dituena, 2023ko Veneziako Jaialdian estreinatu zuten, eta Urrezko Lehoia eskuratu zuen.
Horrez gain, pelikulak bi Urrezko Globo, bost Bafta sari eta lau Oscar eskuratu ditu, tartean emakumezko aktore onenarena, Emma Stonentzat.
Fipresci saria Donostiako Zinemaldiaren inaugurazio galan emango dute, irailaren 20an, eta filma ikusteko aukera izango da.
1999an saria sortu zutenetik, Maren Adek, Pedro Almodovarrek, Paul Thomas Andersonek, Alfonso Cuaronek, Jean-Luc Godardek, Ryusuke Hamaguchik, Michael Hanekek, Aki Kaurismakik, Richard Linklaterrek, Terrence Malickek, George Millerrek, Cristian Mungiuk eta Chloe Zhaok jaso dute golardoa, besteak beste.
Zure interesekoa izan daiteke
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.