Nacho Vigalondok zuzendutako "Daniela Forever" filmak abiatuko du Donostiako Beldurrezko Zinemaren Astea
Nacho Vigalondok zuzendutako film berriak, "Daniela Forever" (2024) euskal koprodukzioak, Donostiako Fantasiazko eta Beldurrezko Zinemaren 35. Astea inauguratuko du datorren urriaren 25ean. Donostiako Fantasiazko eta Beldurrezko Zinemaren 35. Astea urriaren 25etik azaroaren 1era bitartean izango da.
Vigalondoren lan berriak Henry Golding, Beatrice Granno, Aura Garrido, Ruben Ochandiano eta Nathalie Poza ditu protagonista, eta Torontoko Zinemaldian estreinatu zuten joan den irailaren 5ean.
Nacho Vigalondok zuzendutako bosgarren film luzea da, "Los cronocrímenes" (2007ko Beldurrezko Astean inauguratu zuena), "Extraterrestre" (2011), "Open Windows" (2014) eta "Colossal" (2016) filmen ondoren. Azken urteetan hainbat telesailetan lan egin du; "Historias para no dormir" telesail berriaren "La alarma" (2022) kapitulua berak zuzendua da.
Amodioari, dilema pertsonalei eta ametsei buruzko distopia originala da Vigalondoren lan berria. Nicolasentzat (Henry Golding) bizitzak zentzu guztia galdu du neskalagun Danielaren (Beatrice Grannò) heriotzaren ondoren. Egun batean, ametsak kontrolatzeko ahalmena emango dion saiakuntza kliniko batean parte hartzera gonbidatzen dute, eta baiezkoa ematen du, horrek suspertuko duelakoan. Orain Nicolasek gauero amets egin dezake Danielarekin eta elkarren artean inoiz baino idilikoagoa den harremanarekin.
Egitarauaren aurrerapena
Sail Ofizialean lehiatuko diren hainbat pelikularen izenak aurreratu ditu astelehen honetan Donostiako Fantasiazko eta Beldurrezko Zinemaren Asteak. Egitarau osoa urriaren erdialdean jakinaraziko dute.
Besteak beste, Franz Kafkari dedikaturiko bi saio izango dira Tabakaleran, haren heriotzaren mendeurrenaren harira. Bestalde, urriaren 26an Michael Hanekek 1997an zuzendutako "The Castle" pelikularen egokitzapena proiektatuko dute; eta urriaren 31an Kafkaren lanetan oinarritutako film laburren maratoia izango da.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.