Dirdira eta mamia, Donostiako Zinemaldian
Izar dirdiratsuak eta pelikula mamitsuak. Bietatik eskainiko du Donostiako Zinemaldiaren 72. edizioak gaur, ostiralarekin, hasi eta irailaren 28ko itxiera galara arte. Izen handi eta interesgarriak daude Sail Ofizialeko hautaketan, Audrey Diwan, Costa-Gavras, Maite Alberdi, François Ozon eta Albert Serra zuzendariena, esaterako; eta zer esanik ez Perlak nazioarteko beste jaialdi nagusietan zeresana eman duten filmak dituen atalean, besteak beste, Jacques Audiard, Paolo Sorrentino, Andrea Arnold eta Sean Baker zuzendariak ekarriko baititu Zinemaldiak Donostiara.
Nazioarteko zinemagintzako izen handi horien lanak babesten, gainera, izar dirdiratsuak egongo dira Donostian irailaren 20tik 28ra, pandemiak eta pandemiaosteak 2020an eta 2021ean eta Hollywoodeko aktoreen grebak 2023an apaldu zuten dirdira berpizteko: Pamela Anderson, Monica Bellucci, Jamie Campbell Bower, Ursula Corbero, Johnny Depp, Ester Exposito, Andrew Garfield, Karla Sofia Gascon, Isabelle Huppert, Patricia Lopez Arnaiz, Moses Ingram, Noemie Merlant, Angela Molina, Najwa Nimri, Franco Nero, Lupita Nyong'o, Nahuel Perez Biscayart, Urko Olazabal, Charlotte Rampling, Nagore Aranburu, Will Sharpe, Tilda Swinton…
Donostia sariek ere ekarriko dituzte zinemazaleen eta hedabideen fokuak Donostiara, hiru izen eztabaidaezinen kariaz. Javier Bardemek ezin izan zuen iaz bere garaikurra hartu, Hollywoodeko aktoreen grebaren ondorioz, eta ostiralean bertan hartuko du, aurtengo edizioaren irekiera galan. Aurtengo bi saridunak, bestalde, Cate Blanchett australiar aktorea (larunbatean jasoko du, 19:15ean) eta, Veneziako zinema jaialdian sari nagusia jaso berritan, Pedro Almodovar espainiar zinemagilea (ostegunean, 18:00etan) izango dira.
Euskal zinema
Hogei euskal lan argituko ditu aurten Donostiako Zinemaldiaren leihoak: 15 film luze, 3 telesail eta 2 film labur. Sail Ofizialean, Iciar Bollain zuzendariak Soy Nevenka euskal ekoizpena aurkeztuko du, Alauda Ruiz de Azuak Querer telesaila eta Javier Ginerrek Yo, adicto telesaila, azken bi horiek lehiatik kanpo.
Zinemaldiaren edizio honetako euskarazko lan nagusia, Azken erromantikoak David Perez Sañudoren bigarren filma, New Directors atalean lehiatuko da, eta Etorriko da (eta zure begiak izango ditu) Izibene Oñederraren film labur artegagarri baina itxaropentsua Zabaltegi Tabakalera atalean. Bi pelikulok eta beste hamar ekoizpenek EITBren parte-hartzea dute.
Marco Jon Garañoren eta Aitor Arregiren lana Perlak sailean ikusi ahalko da, Veneziako zinema jaialdian estreinatu eta gero, Belodromoan Go!azen EITBko gazteentzako telesail musikalaren hamaikagarren denboraldia estreinatuko da, eta Made in Spain sailean Andrea Jaurrietaren Nina filma proiektatuko da. EITB Galak Itsatsita telesailaren bigarren denboraldia hartuko du, gainera.
Zinemira euskal zinemaren sailean, dokumentalak izango dira nagusi, tartean Los Williams Iñaki eta Nico Williams Athleticeko jokalariei buruzko lana, Ciento volando Arantxa Aguirrek Eduardo Chillidari buruz filmatutako pelikula eta Erreplika Pello Gutierrezen filma.
Hori eta askoz gehiago izango da publikoaren gozagarri eta hausnarketagai, bederatzi egunez, zinemaren euskal topagune nagusian. Gozatu!
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.