Zinemaldiak Argentinako zinemari babesa adierazi dio, hura desagerrarazteko Mileiren saiakeraren aurrean
Donostiako Zinemaldiak elkartasuna eta babesa helarazi dizkie Argentinako zinemagintza industriari eta beste kultur adierazpideei, Javier Milei presidentearen murrizketen aurrean. Argentinako eta Latinoamerikako zinema munduko eragileak, baita Euskal Herrikoak ere, Kursaalean bildu dira Argentinako zinema babesteko, Zinemaldiak eta Argentinako Arte eta Zientzia Zinematografikoen Akademiak deituta.
Jose Luis Rebordinos Zinemaldiko zuzendariak azaldu duenez, Milei zinema eta kultura desegiten saiatzen ari da. "Proiektu asko geldiarazita daude, Argentinako Zinemaren eta Ikus-entzunezko Arteen Institutu Nazionalaren edukiak husten ari dira eta, Argentinako gobernua hartzen ari den neurriak direla eta, arriskuan daude bertako zinematografiaren garapena ez ezik, baita bestelako kultura-adierazpenena ere", adierazi du Rebordinosek, ohar batean.
Zinemaldiak ez du ekitaldia ideologiarekin lotu nahi izan, askotariko koloretako gobernuekin harreman onak izan baitu jaialdiak eta Argentinako zinemak; ez, ordea, gaur egungo presidente libertarioarekin.
Aurreko gobernuekin "eta argentinarrei definitzea dagokien bere ezaugarri propioekin, Argentinako industriak normaltasunez garatzea eta Latinoamerikako garrantzitsuenetako bat izatea lortu du. Gainera, herrialdearen irudi positiboa erakutsi du, eta haren eragile ekonomikoa izan da", esan du Rebordinosek.
Mileiren exekutiboak, berriz, "diktadura militar bat justifikatzen du" eta "zinemagintza nazionala desegiten ari da". Horregatik, Zinemaldiak azaldu du ezin diola egoera horri "bizkarra eman". "'Eutsi, Argentinako zinema!", bukatu du Rebordinosek.
72. Zinemaldiak Argentinako 16 lan programatu ditu, hainbat sailetan. Horietako bat, Diego Lermanen El hombre que amaba los platos voladores, gaur estreinatu da, Sail Ofizialean.
"Ulertu behar dugu —eta zinez sinetsita egon behar gara honekin— egiten dugun obra bakoitzarekin gure herrialde maitatuari nortasuna, lana eta kultura ematen ari gatzaizkiola", gehitu du Hernan Findling Argentinako Akademiako presidenteak.
Zure interesekoa izan daiteke
“Lurdes Iriondo, ez gera alferrik pasako” dokumentala zinemetatik pasatuko da
Iruñean, Bilbon, Donostian eta Madrilen izango da ikusgai filma estreinaren egunean, azaroaren 14an, eta herriz herri erakutsiko dute gero: Tolosa, Lasarte, Basauri, Aramaio…
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.