"Hard truths": ondo al zaude?
Pansy Mike Leight britainiar zinemagilearen Hard truths pelikulako protagonistak, Londresko aldirietako langile klaseko familia beltz bateko amak, amorruz begiratzen dio munduari; are gehiago, begiratu ez ezik, herratsu zuzentzen zaie ingurukoei, agiraka: Moses isiltasunak ito duen seme dohakabeari eta Curtley etsiak amatatu duen senarrari, Chantelle ahizpa gozoari eta ugazaba zurien destaina erlatibizatzen duten horren alaba alaiei, altzari saltegi bateko eta supermerkatuko langileei eta, oro har, kalean berarekin gurutzatzen diren guztiei.
Etorri handiko bere irainek gidatzen dute filmaren lehen erdialdea, nabarmenegi eta errepikakorregi agian: Pansyk bereak eta bi esango dizkie parean jartzen zaizkion guztiei, eta publikoak barrez hartuko ditu munduarekin haserre dagoen pertsona baten ateraldiak, harik eta irribarreok izoztuko zaizkion arte.
Pansy hautsi egingo da halako batean. Amaren Eguneko familiako bazkari batean (sekuentzia bikaina da), atertuko dira txilioak eta pertsonaiaren errabia neurrigabearen erregaia zein den ikusten joango da publikoa: zergatik den ezezko ozen bat Pansyren erantzuna ahizpak, gizatasun-birringailua den munduan jendetasunari eutsi dion pertsona apurretako batek, "ondo al zaude?" galdetzen dionean.
Zulo sakon batean dago Pansy, amets-itxaropenak zimelduta, eta ez du ihesbiderik aurkitzen inguruan; "nekatuta eta beldurtuta" dago, ahizpari aitortuko dionez, eta dena gelditzea nahi du soilik, lo egiteko. Benetan zirraragarria da nola erakusten duen Marianne Jean-Baptiste aktoreak bitasun hori pantaila aurrean, hasierako sumina eta pelikularen bigarren erdialdeko zaurgarritasuna. Sari bat baino gehiago jasoko du lan honengatik.
Filmaren amaiera aldera iritsita, zirkulua ixteko eta erredentzio istorio bat biribiltzeko tentaldia izango lukete, akaso, zinemagile askok, baina Mike Leigh ez da ikusleak laztantzen dituen sortzaile horietakoa, eta hemen ez da onkeriaz bustitako amaiera iruzurtirik, zirkulua ez da ixten.
Eta hori da, agian, filmean lazgarriena: ohikoak, ia egunerokoak, zaizkigula erori diren eta altxatu ezinean ari diren pertsona hautsien haserrea eta etsia. Horren aurrean, Chantellek "ez zaitut ulertzen, baina maite zaitut" esango dio halako batean ahizpari. Izan liteke zerbait, agian, bere horretan, nahiz eta zirkulu perfekturik ixten ez duen.
Zure interesekoa izan daiteke
Paul Urkijo: "Euskal izaki mitologikoak modu eder eta epikoenean erakutsi nahi nituen"
Gaua filmean berritzen eta omentzen diren izaki eta kondaira mitologikoez mintzo zaigu Paul Urkijo, EITBrentzat primizian: Gaueko, Inguma, Mateo Txistu, Akerbeltz... Aita Barandiaranek jasotako objektu eta kondairak, sorginkeria uxatzeko erritualak, sorginkeriarekin lotutako esaldi eta elezaharrak... Urkijok euskal tradizioa arakatu du bere hirugarren film luzean. Haien errepasoa egin eta, konjurua oker esan zuen gizona hegaz nola jarri zuen ulertzeko trukoa argitu digu, esate baterako.
Paul Urkijo: “Txikitan jaso nituen gaueko istorio guztien multzo bat da ‘Gaua’”
Gaua pelikula epikoaren zuzendariak azaldu duenez, “Inkisizioak sortu zituen gezurrak hartu, geureganatu, elikatu eta haien kontra jaurtitzeko” egin dute filma. “Bide argitsutik joateko esaten digute, baina batzuetan bide horretatik aldendu behar zara, beldurrak eta iluntasuna zeharkatu, zoriontasunera eta askatasunera iristeko, nahi dugun modukoak izateko”. Arabar zuzendariak eta Iñake Irastorza, Ane Gabarain eta Elena Irureta aktoreek EITBren parte-hartzea duen ekoizpenaren zertzelada batzuk aletu dizkigute bideo esklusibo honetan. Filmatze “gogor eta luzearen” sekretu batzuk eman dizkigu Yune Nogueiras protagonistak ere: “Paulekin lan egiteko ametsa bete dut”.
“Gaua”n ez galtzeko koordenadak: pelikularen materiala primizian
Paul Urkijoren hirugarren film luzea ostiralean, hilak 14, iritsiko da zinema-aretoetara. Lehenago, Urkijok berak pelikularen gako batzuk eman dizkigu primizian, gauean murgiltzeko mapa modura erabil ditzagun.
?fmt=webp-alpha&qlt=80)
"Singular" Alberto Gastesiren filma azaroaren 28an iritsiko da zinema aretoetara
Patricia Lopez Arnaiz eta Javier Rey dira Alberto Gastesi donostiar zinemagilearen (Gelditasuna ekaitzean, Argi gorriak) bigarren film luzearen protagonistak "Adimen artifizialaren mugak eta giza dolua aztertzen dituen zientzia-fikziozko thriller honek EITBren parte-hartzea du, eta azaroaren 28an iritsiko da Hegoaldeko zinema aretoetara, fantasiazko zinemaren Sitgeseko jaialdian estreinatu ondoren. Diana (Lopez Arnaiz) Adimen Artifizialean aditua da, eta udako etxe zaharrera joango da Martin senar ohiarekin elkartzeko, hamabi urtez elkar ikusi gabe egon eta gero. Hasierako giro ona hankaz gora jarriko du, baina, gertakari batek: Andrea batuko zaio bikoteari, bikotearen semea zenarekin antz misteriotsua duen mutikoa.
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.
"Los domingos" eta "Maspalomas", Forque sarietarako izendatuta
Alauda Ruz de Azuaren eta Jose Mari Goenaga eta Aitor Arregiren filmek hiruna izendapen dituzte EGEDA Ikus-entzunezko Ekoizleen Eskubideak Kudeatzeko Espainiako Erakundeak banatzen dituen sarietan.