Beti berria den zinema erakutsiko du Euskal Zine Bilerak
Lekeitioko Euskal Zine Bilerak 47. edizioa abiatuko du hilaren 16an, eta zinemak sei egunez argituko ditu pantailak Bizkaiko kostaldeko herrian, hilaren 21era arte, "Beti berria den zinea" lelopean. Aurten, "belaunaldi berriak ikus-entzunezkoen alorrera gehiago hurbiltzea" izango du helburu jaialdiak.
Proiekzioak, solasaldiak, tailerrak eta, batez ere, euskarazko zinema izango dira jaialdiaren ardatza. Sail Ofizialean, 20 film lehiatuko dira Urrezko Antzarra lortzeko, besteak beste hauek: Amets hegalariak (Arrate Fernandez), Plazer bat (Sonia Estevez), Puzzleak, bortxaketaren jauregia (Kote Camacho), Erro (Amaia Lejarreta), Dena asmatuta dago (Jone Arriola), Alas/tierra (Maddi Barber), Ximinoa (Itziar Leemans), Utländsk (Alba Lozano) eta Betiko gaua (Eneko Sagardoy).
Lan horiek guztiak izango dira sariak lortzeko hautagaiak: film onenaren saria (Urrezko Antzarra eta 3.000 euro), zuzendaritza onenaren saria (Zilarrezko Antzarra eta 1.600 euro), gidoi onenaren saria (Zilarrezko Antzarra eta 1.600 euro), Benito Ansola saria (2000. urtetik aurrera jaiotakoentzat, 1.000 euro) eta EITB Ikusleen saria (750 euro).
Film, zuzendari eta gidoi onenaren irabazleak aukeratzeko arduradunak Ainara Elgoibar artista, Martxelo Rubio aktorea eta Nerea Ibarzabal bertsolari eta idazlea izango dira, eta sari banaketa urriaren 19an egingo dute, 19:30etik aurrera, Ikusgarri zinema-aretoan.
Egun horretan bertan, Itziar Ituñok Euskal Zinemaren Begirada saria jasoko du, "euskal ikus-entzunezkoen alorrean egindako ekarpen berezia" aitortuko baitio jaialdiak "lurralde zein hizkuntzaren mugak igaro dituen aktore euskaldun eta euskaltzaleari".
Biharamunean, urriaren 20an, Zortzitik infinitura Donostiako Zinemaldian estreinatu zuten dokumentala egongo da ikusgai Ikusgarri zinema-aretoetan, 17:30etik aurrera, Naia Laka zuzendaria, Miren Agur Meabe pelikularen gidaria eta Xabier Villalba ekoizlea bertan direla. Benito Ansola zinemagilearen bizitza oinarri hartuta, euskal zinemagintzaren historian bidaiatzea proposatzen du filmak.
Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.