Zinebik "Tasio" eta "Mikelen heriotza" filmen 40. urteurrena ospatuko du
Zinebi Zinema Dokumentalaren eta Film Laburren Bilboko Jaialdiak euskal zinemaren bi film klasiko emango ditu gaur, ostegunarekin, eta bihar, ostiralean, biak ere duela 40 urte estreinatutakoak: Tasio, Montxo Armendarizen filma eta Mikelen heriotza, Imanol Uriberena.
Euskadiko Filmategiak Tasio Elias Querejetak 1984an ekoitzi eta Montxo Armendarizek zuzendu zuen film luze ikonikoa zaharberritu du. Canneseko jaialdian estreinatu eta Donostiako Zinemaldian erakutsi eta gero, Urbasako ikazkinari buruzko filma Bilbon ikusi ahalko da, Zinebiren 66. edizioko sariak eman eta gero, ostiralean, azaroak 15. Jose Luis Alcaine pelikularen argazki zuzendaria proiekzioan izango da, gaualdi horretan Ohorezko Mikeldi saria jasoko baitu.
Bestalde, estreinatu zenetik 40 urtera, Mikelen heriotza Imanol Uribe 2021ean Ohorezko Mikeldi saria irabazi zuen zuzendariaren bigarren film luzea, ere ikusi ahalko da jaialdian, ostegunean, azaroak 14, Guggenheim museoko auditoriumean.
Mikelen istorioa du kontagai Uribek film horretan. Bilbo inguruko herri bateko farmazialaria da. Egun batean artista trabesti bat ezagutuko du, eta maitasun harreman bat hasiko du berarekin. Mikel baldintza ilunetan hilko da, eta haren heriotzari interes politikoa ateratzen saiatuko dira.
Albiste gehiago zinema
"Rondallas" eta "Hasta que me quede sin voz" filmak estreinatuko dira Belodromoan
Gainera, Go!azen telesailaren 12. denboraldiko lehen atalaren bi emanaldi eskainiko dira, lehenengoz. Sarrerak astearte honetan jarriko dira salgai, 10:00etatik aurrera, Zinemaldiaren eta Kutxabanken webguneetan.
"Made in Spain" sailak 28 titulu aurkeztuko ditu Zinemaldian
Ana Lambarri eta Julio Medemen filmak ikusi ahal izango dira, "Todo lo que no sé" eta "8", Malagan estreinatuak. Gainera, EITBren partaidetza duten ekoizpenak programatu dira: Helena Tabernaren "Nosotros" eta Arantxa Echevarriaren "La infiltrada".
'Maspalomas' filmak badu kartel ofiziala
Aitor Arregik eta Jose Maria Goenagak zuzendutako film luzeak zahartzaroari eta homosexualitateari buruzko istorio bat kontatzen du. Donostia Zinemaldiko Sail Ofizialean estreinatuko da irailaren 26an, eta Urrezko Maskorra eskuratzeko lehiatuko da.
'Karmele' Asier Altunaren film berriaren trailerra, esklusiban
Karmele Asier Altuna zuzendariaren (Amama, Aupa Etxebeste!, Agur, Etxebeste) film luzea urriaren 10ean estreinatuko da. EITBren parte-hartzea duen filma Donostiako Zinemaldian ikusiko da lehenago, nolanahi den, Sail Ofizialaren barruan baina lehiatik kanpo, proiekzio berezi batean. Fikziozko filma Elkarrekin esnatzeko ordua Kirmen Uriberen eleberrian oinarrituta dago, Jone Laspiur eta Eneko Sagardoy ditu protagonista eta Nagore Aranburu eta Javier Barandiaran daude antzeztaldean.
Europa, Asia eta Costa Ricako zinemagile hasiberriek osatzen dute New Directors saila
Jonatan Etzler suediarrak, Yukari Sakamoto japoniarrak eta Seyhmus Altun kurduak, besteak beste, bat egingo dute Irati Gorostidi Agirretxe nafarraren eta Jose Alayon kanariarraren proposamenekin.
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.