"The Eggregores' Theory" ainmaziozko film laburrak irabazi du Zinebi Sari Nagusia
Zinebi Bilboko Dokumentalen eta Film Laburren Nazioarteko Jaialdiak palmaresa iragarri du gaur, ostiralarekin, eguerdian, iluntzean itxiera gala (19:30, Arriaga antzokia) egin aurretik.
The Eggregores' Theory Andrea Gatopoulos italiar zuzendariaren animaziozko film laburrak irabazi du Zinebiren 66. edizioko Zinebi Sari Nagusia, eta, hortaz, horrek eskuratu du 7.000 euroko laguntza. Epaimahaiaren ebazpenaren arabera, "kontakizun distopiko sendoa da, zeinak agerian uzten duen zentsurak sormena desagertzera bultzatzen duela".
Sail Ofizial horretan bertan, Ehiza Aitzol Saratxagaren film laburrak irabazi du Euskal Zinemaren Sari Nagusia, eta Horizontal Alex Reynolds bilbotarraren lanak Espainiako Zinemaren Sari Nagusia.
Gainera, jaialdiaren atal nagusian fikziozko film labur (2006), film labur dokumental (Songs of love and hate) eta animaziozko film labur (Asha sun) onenaren Mikeldi sariak ere ebatzi dituzte epaimahaikideek.
Halaber, Zinebi International First Film saileko irabazlea Una sombra oscilante Celeste Rojas Mugica txiletar zinemagilearen dokumentala izan da, eta Rising up at night Nelson Makengo kongoarraren lanak aipamen berezia jaso du.
Publikoaren EITB saria Bumblee Fon Cortizo galiziarraren pelikulak eraman du, eta FAS saria Los invitados de Amaia fikziozko film laburrak.
Gaur jasoko dute saridunek dagokien aintzatespena, itxiera galan, eta Jose Luis Alcaine argazki zuzendariak (Tasio…) jaialdiaren Ohorezko Mikeldi saria jasoko du ekitaldi horretan bertan.
Albiste gehiago zinema
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.
Tabakalerak “Urrearen Kimera” filmaren bertsio zaharberritu bat estreinatuko du
Charles Chaplinen pelikula 4K kalitatean itzuliko da pantaila handira ostegunean, ekainak 26, berorren estreinaren mendeurrena ospatzeko.
Irusoinek Nanni Morettiren film berrian parte hartuko du
"Succederà questa notte" Louis Garrel eta Jasmine Trinca protagonista dituen filmaren zati bat Bruce Springsteenek larunbatean Anoetan emandako kontzertuan filmatu zen. Lantaldea uda ostean Gipuzkoako hiriburura itzuliko da.
Korterrazak aire zabaleko zinema aretoa zabalduko du Gasteizen
Uda osoan, 47 saio egingo ditu film laburren jaialdiak Araba osoan, eta gaurdanik, ekainak 25, hilaren 28ra Gasteizen, Izaskun Arrue Kulturgunean eta Artium museoaren barruko plazan, bilduko du zinema eta musika programazioa.
Richard Linklaterren film berriak irekiko du Nouvelles Vagues Biarrizko jaialdia
Lapurdiko kostaldeko udalerriak sei eguneko jaialdia abiatuko du gaur, eta Linklater bera, Keira Knightley eta Sofia Coppola, hirugarren edizio honetako ohorezko gonbidatua, hartuko ditu, besteak beste.
Zero Chou: "Borrokatzeari utziz gero, baliteke ostera ere ilunpetan murgiltzea"
Hoho Liu taiwandar argazkilaritza zuzendariak Zinegoak LGTBIQ+ zinema eta arte eszenikoen Bilboko jaialdiaren Ohorezko Saria jaso du bart, Zero Chouren izenean.
El Gran Wyoming da Fantasiazko eta Beldurrezko Zinemaren Asteko kartel ofizialeko protagonista
Urriaren 31tik azaroaren 7ra egingo dute Donostiako zinema jaialdiaren 36. edizioa. Espainiar aurkezle, aktore eta musikaria "Eraserhead" David Lynch zenaren lehen filmeko protagonista bihurtu da kartelerako.
Munduaren akabamendua Aragoiko basamortuan
Zeluloidezko ispilatzeetan barna gabiltza "Sirat"en adoratzaileok, burua erdi sano erdi joana dugula. Igual esnatzen garenean, sendatzen garenean, Nafarroako Errege Bardean gaudela deskubrituko dugu .
Zinemagileen "Tabakalera Belaunaldia"ri gorazarre, asteburuan Donostian
Kultura zentroaren 10. urteurrenaren harira, Zinemaldiak, Elías Querejeta Zine Eskolak, Euskadiko Filmategiak eta Tabakalerak osatzen duten ekosistemaren abaroan hazi den zinemagile belaunaldia omenduko dute asteburu honetan.