"La infiltrada" filmak 13 izendapen lortu ditu Goya sarietarako
Espainiako Zinema Akademiak Goya sarietarako film eta profesional izendatuen zerrenda iragarri du gaur Granadan, otsailaren 8an sari banaketa hartuko duen hirian bertan.
La infiltrada Arantxa Echevarriak zuzendu duen filmak 13 izendapen jaso ditu, tartean film onenarena, zuzendari onenarena (Arantxa Echevarria), emakumezko aktore protagonista onenarena (Carolina Yuste), jatorrizko gidoi onenarena (Arantxa Echevarria eta Amelia Mora) eta antzeztaldeko emakumezko (Nausicaa Bonnin) eta gizonezko (Luis Tosar) aktore onenarena.
Bestalde, Marco Moriarti hirukotearen filmak bost izendapen jaso ditu: zuzendaritza (Jon Garaño eta Aitor Arregi), gizonezko aktore protagonista (Eduard Fernandez), jatorrizko gidoia, makillatze eta ile apainketa eta efektu bereziak.
Horiez gain, Betiko gaua Eneko Sagardoyk euskaraz filmatutakoa fikziozko film labur onenaren sailean lehiatuko da, Mamántula Ion de Sosa donostiarraren pelikula bezala.
Aktore protagonisten sailetan ere euskal ordezkaritza egongo da. Patricia Lopez Arnaiz emakumezko aktore protagonistaren atalean izendatuta dago, Los destellos filmean egin duen lanagatik, eta Urko Olazabal gizonen atalean, Soy Nevenka pelikulan Ismael Alvarez abusatzailearena egiteagatik.
Musikan, Fernando Velazquez (La infiltrada) eta Alberto Igesias donostiarra (The room next door) daude izendatuta jatorrizko musika onenaren sailean, eta Velazquez kantu onenarenean ere, "Show me" Buffalo kids filmerako egindako abestiari esker.
Beste euskal film eta profesional batzuk ere daude izendatuen artean, hala nola Semillas de Kivu film labur dokumentala (Amania Films eta Uniko ekoiztetxeak), La mujer ilustrada Isabel Hergueraren animaziozko film laburra, El cambio de rueda Begoña Arosteguirena eta Cafunè Dr. Platypus & Ms. Wombat nafar estudioarena (bost izendatuetatik hiru dira euskal herritarrak atal horretan), eta Joana M. Ortueta Valentzian ezarritako bilbotar gidoilaria, La casa filmaren gidoia egokitzen egindako lanagatik.
Guztira, 32 izendapen jaso ditu euskal zinemak, horietatik 20 EITBren parte-hartzea duten filmengatik: La infiltrada, Marco, Betiko gaua eta La mujer ilustrada.
Orotara, El 47 flimak bildu ditu izendapen gehien, 14, eta haren ostean dira La infiltrada" (13), Segundo premio (11), The room next door (10), La virgen roja (9), Casa en flames (8) eta La estrella azul (8).
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.