Gene Hackman aktorea eta Betsy Arakawa emaztea hilda aurkitu dituzte Mexiko Berriko etxean
Gene Hackman aktorea eta Betsy Arakawa emaztea hilda aurkitu dituzte Santa Fen, Mexiko Berrian.
95 urteko Hackman aktore estatubatuarrak bi Oscar sari irabazi zituen, "The French Connection" eta "Unforgiven" filmetan egindako lanagatik. Tokiko agintariek ez dute delituen susmorik, baina oraindik ez dira ezagutzen heriotzaren arrazoiak eta une zehatza.
Santa Fe News webguneak Santa Fe konderriko sheriffa (Adan Mendoza) aipatu du, eta, horren hitzetan, bikotea txakurrarekin batera hil zen, eta ez zegoen ekintza kriminalen zantzurik.
Aktorea 1960ko hamarkada hasieran hasi zen aktore lanetan, eta 80 film baino gehiagotan parte hartu zuen, telebistan eta antzerkian lan egiteaz gain.
Santa Fe kanpoaldean (Mexiko Berria) bizi zen. Bi aldiz ezkonduta zen eta hiru seme-alaba izan zituen. Hackman Betsy Arakawa 63 urteko piano-jotzailearekin ezkondu zen, 1991n.
Eugene Allen Hackman, Gene Hackman izenez ezagunagoa, 1930eko urtarrilaren 30ean jaio zen, Kaliforniako San Bernardino hirian.
XX. mendeko hainbat hamarkadatan Hollywoodeko izarra izan zen Hackmanek bi Oscar sari irabazi zituen "The French Connection" eta "Unforgiven" filmetan egin zituen pertsonaia ikonikoengatik, eta bere belaunaldiko antzezle moldakorrenetakoa eta ezagunenetakoa izan zen.
Aktore karismatikoa kameretatik kanpo zegoen 2004tik, eta eleberriak idazten eta koadroak margotzen aritzen zen Santa Fen (Mexiko Berria).
Aktoreak berak txikitatik azaldu zuen bere bokazioa, James Cagney eta Errol Flynn idolo zinematografikoei erreparatzen zien orduan. Behin betiko markatu zuen Marlon Brando mitikoaren "A Streetcar Named Desire" (1951) lanak, Hackmanek berak adierazi zuenez.
Hirurogeiko hamarkadaren hasieran, 30 urte zituela, arte dramatikoa ikasten hasi zen Los Angelesko Pasadena Playhouse interpretazio eskolan, eta bere ibilbide artistikoa hasi zuen.
Albiste gehiago zinema
Biba Zinema eta Lege Berriak!
Begoña del Tesok gaur egun zinema kontsumitzeko moduaren analisia egin du.
Marisa Paredes omenduko du Zinemaldiak 73. edizioko kartel ofizialean
Bestalde, gaur jakitera eman da Esther Garcia ekoizleak jasoko duela aurtengo Donostia sarietako bat, "Espainiako eta Latinoamerikako zinemagintza nazioartekotzeko egin duen lanagatik".
‘Zeru Ahoak’, Almandozen azken lanaren lehen irudiak aurkeztu dituzte
Lau ataleko serie noir laburra da eta Nagore Aranburu aktore azpeitiarra da protagonista. Orain ikusi ez den Bilbo erakustea da asmoa. Donostia Zinemaldiaren 73. Edizioko Sail Ofizialeko Emanaldi Berezietan hartuko du parte.
Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.