Santa Feko detektibe batek "susmagarritzat" jo du Gene Hackmanen eta emaztearen heriotza
Gene Hackman aktorearen eta haren emazte Betsy Arakawa piano-jotzailearen heriotza "susmagarritzat" jo dute, argitaratutako erregistro-aginduaren arabera.
Hackman (95 urte) eta Arakawa (63 urte) hilda aurkitu zituzten, bien txakurretako batekin batera, Santa Fen (Mexiko Berria) zuten etxean, eta oraindik ez dute zehaztu zergatik hil ziren.
Roy Arndt Santa Fe konderriko sheriffaren bulegoko detektibeak sinatutako erregistro-aginduak dio senar-emazteak etxeko gela ezberdinetan aurkitu zituztela.
Arndtek idatzian adierazi duenez, aurkitu zutena "bilaketa eta ikerketa sakona eskatzeko nahikoa susmagarria" izan zen.
Agintarien esanetan, Oscar saria bi aldiz irabazi zuen aktorearen gorpua sarreran aurkitu zuten, eguzkitako betaurrekoak ondoan zituela; Arakawa, berriz, bainugela batean aurkitu zuten, eta pilulak zeuden harengandik gertu, sakabanatuta.
Agente baten arabera, biek antzeko heriotza-zantzu nabariak zituzten, eta biak lurrera erori zirela iruditu zitzaiola adierazi zuen. Arakawaren gorpua aztertuta, "gorpuaren deskonposizioa, hantura aurpegian" eta "esku eta oinen momifikazioa" antzeman zizkioten.
Bikotearen alemaniar ardi txakur bat hilda aurkitu zuten Arakawa zegoen lekutik hurbil zegoen armairu batean, baina beste bi txakur onik eta bizirik aurkitu zituzten.
Oraingoz, detektibeak baztertu egin du bikotea gas-ihes baten ondorioz hil izana, Mexiko Berriko suhiltzaileen departamentuari eta gas-konpainiari deitu baitzieten gas naturalaren ihesa zegoen jakiteko.
"Orain arte, ez dago hodiei lotutako arazoren bat egon dela erakusten duen zeinu edo frogarik egoitzaren inguruan", gaineratu zuen Arndtek.
Bikotearen etxean mantentze-lanak egiten zituzten langileek aurkitu zuten bikotea, asteazkenean.
Santa Feko sheriffaren bulegora deitu zuen auzoko batek bizilagunak ondo daudela egiaztatzeko polizia-bisita bat eskatu zuen, Hackmanen etxean ez zuelako mugimendurik ikusten, eta zerbait arraroa ikusi zuelako.
Hilda aurkitutako bikotearen nortasunak egiaztatu ondoren, sheriffaren bulegoak jakinarazi zuen ikerketa ireki zuela eta epailearen agindu baten zain zeudela etxebizitza zehatz-mehatz miatu ahal izateko.
Hollywoodeko izarra izan zen Hackman XX. mendeko hainbat hamarkadatan, eta bi Oscar sari irabazi zituen The French Connection eta Unforgiven filmetan egindako lanagatik.
Aktore karismatikoa kameretatik urrun zegoen 2004tik, eta eleberri historikoak idazten, eskulturak zizelkatzen eta koadroak margotzen zituen zinema mundutik erretiratu zenetik. Washington Post egunkariaren arabera, Hackmanek eta Arakawak (Hackmanen bigarren emaztea) hamarkada pare bat zeramatzaten Santa Fen bizitzen, enkarguz eraikitako zenbait etxetan, artista asko bizi diren auzo batean.
Zure interesekoa izan daiteke
Alejandro Gonzalez Iñarritu, irudiaren bardoa
Amores perrosekin goizetik gauera zinemagintzaren panorama inarrosi zuenetik Bardo (o falsa crónica de unas cuantas verdades) azken filmera arte, EITBren Bilboko egoitzan Carne y arena instalazioa erakutsiko duen mexikar zinemagileak ezinbesteko ibilbidea egin du XXI. mendeko autore zinemagintzan.
Robert Duvall aktorea zendu da, 95 urte zituela
Apocalypse Now eta Aitajauna filmetako aktore ospetsua igande gauean hil zen, Virginan, Luciana Duvall haren alargunak iragarri duenez. 2003an, Donostia saria eman zion Zinemaldiak.
Hemeretzi film lehiatuko dira Punto de Vista jaialdiaren Sail Ofizialean
Zinema Dokumentalaren Nafarroako Nazioarteko Jaialdiaren 20. edizioaren programazioa Benita Alain Berlinerren filmak irekiko du, eta Una película de miedok itxiko du.
Horrelakoa da “Cada día nace un listo”, Arantxa Echevarriak “La infiltrada”ren ondoren egin duen filma
Pelikula, “satira garratz bat”, Malagako zinema jaialdiko Sail Ofizialean aurkeztuko dute, lehiatik kanpo, maiatzaren 22an zinema aretoetan estreinatu aurretik. Cada día nace un listo, Arantxa Echevarría bilbotar zinemagilearen film berria, Malagako zinema jaialdian estreinatuko dute; martxoaren 6tik 15era egingo dute jaialdia. Echevarriak eta Patricia Campok idatzia, Hugo Silva, Susi Sánchez, Dafne Fernández, Jaime Olías, Ginés García Millán, Diego Anido, Markos Marín, Marina Ostolaza, Sofía Otero eta Javier Tolosa dira aktoreak, eta Belen Rueda, Pedro Casablancek eta Gonzalo de Castrok ere hartu dute parte. EITBren parte-hartzea du Lazona Zinemaren eta Lamia Produccionesen ekoizpenak. Echevarriaren seigarren film luzea da Cada día nace un listo (2026), Carmen y Lola (2018), La Familia Perfecta (2021), Chinas (2023), Políticamente Incorrectos (2024) eta La infiltrada (2024) lanen ondoren.
Argazki zuzendaria letra handitan agertzen denean…
El cuento de una noche de verano film labur onenaren Goya sarirako izendatutako lanean, Ion de Sosa donostiarra ibili da argazki zuzendari.
Asier Altuna: "Jendea hunkitu egiten da 'Karmele' ikustean"
Donostiako Zinemalditik eta Euskal Herriko areotatik pasatu eta gero, Karmele filma Primeran plataformara iritsi da. Asier Altuna filmaren zuzendariarekin hitz egin dugu, hori dela eta.
Batman, FANT zinema jaialdiaren ikurra
Fantasiazko zinemaren Bilboko jaialdia maiatzaren 8tik 16ra arte egingo dute aurten. Gotham Cityko superheroia Bilbori begira ageri da kartelean.
“Las hijas”, manipulazioaren aurkako borroka pantailan
Daniel Romero madrildar zinemagilearen lehen lan luzea Bizkaian filmatu dute, eta Yune Nogueiras, Jone Laspiur, Edurne Azkarate, Ainara Elejalde eta Ainhoa Larrañaga ditu protagonista, baita Karra Elejalderen parte-hartzea ere.
Euskal ekoizpenak protagonista, Goya sarietako izendatuen jaian
Goya sarietako izendatuen jaia egin dute Madrilen. Euskal produkzioek 47 izendapen dituzte guztira eta haien presentzia nabarmena izan da. Euskal zuzendari, ekoizle eta aktoreak irribarretsu ikusi ditugu alfonbra gorrian, pozik eta ilusioz beterik. Jai honekin otsailaren 28an Bartzelonan ospatuko den galarako atzerako kontaketa hasi da.
Euskal zinemaren industria etengabeko hazkundean dago, eta Euskal Herriko Zinema Eskolan nabaritu dute
Datozen urteetan arlo profesionalera salto egiteko asmoz, gero eta aktore gazte gehiago dago zine eskoletan. Euskal Herriko Zinema Eskolako ikasleek aitortu dute sektoreak bizi duen gorakadaren ondorioz etorkizunari itxaropenez eta motibazioz begiratzen diotela.