"Hallow road" filmak irekiko du Bilboko Fant jaialdia
Fant Fantasiazko Bilboko Zinema jaialdiaren 31. edizioa maiatzaren 2an hasi eta hilaren 10ean bukatuko da. 19 film luze eta 30 film labur lehiatuko dira zinemaldian, eta "Hallow road" Babak Anvarren filma izango da ikusleek gozatuko duten lehen lana, Rosamund Pikek eta Mattwhew Rhysek filmatu duten thriller psikologikoa.
"Ilusioz eta begirada berri batez" ekingo dio Amaia Domingo zuzendari berriak jaialdiari, baina zinemaldiari urte hauetan guztietan izaera berezia eman dioten elementuei eusteko asmoz, prentsaurrekoan azaldu duenez.
BBK Aretoa, Azkuna Zentroko zinema aretoak eta Campos Eliseos antzokia izango dira ostera ere jaialdiaren egoitza nagusiak, eta azken horretan izango da, maiatzaren 2an, irekiera ekitaldia. "Hallow road" ez ezik, hamar euskal film labur ikusi ahalko dira ekitaldi horretan: "A-Maniki" (2025, Elixabet Nuñez); "Una carroña" (2024, Daniel Alegrete); "Deja de hablarme" (2024, Laura Guerricaechevarria); "Ehiza" (2024, Aitzol Saratxaga); "Etorriko da eta zure begiak izango ditu" (2024, Izibene Oñederra); "Gizaki" (2024, Xanti Rodriguez); "Hotz" (2024, Lander Castro); "Planetagatik" (2024, Eneko Muruzabal Elezcano); "Presencia" (2024, Igor Salutregi Gabiola); eta "Tragedium" (2024, Gaston Haag).
Aurtengo irudi ofiziala Leatherface "The Texas Chain Saw Massacre" filmeko protagonistarena da.
Horrez gain, dagoeneko iragarrita zeuden saridunei bi izen batu zaizkio: Eva Llorach Ohorezko Fant sariaren hirugarren irabazlearena eta Enrique Buleo Fantrobia sariaren irabazlearena.
"Timestalker" Alice Lowe aktore eta zuzendariaren, Fantasiazko Izarra sariaren irabazlearen, filmak itxiko du jaialdia maiatzaren 9an, BBK Aretoan.
Zure interesekoa izan daiteke
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.
“Gaua”, urkijotarrentzat
Paul Urkijo arabar zinemagileak bere hirugarren film luzea estreinatu du, “Gaua”, irudi txundigarriz generoko filmen osagaiak eta euskal mitologiaren kondairak sendotzen dituen pelikula.
“Argi gorriak” seriea azaroaren 7an estreinatuko dute, Bartzelonako Serielizados jaialdian
Itziar Ituño protagonista duen “komedia garratzak” thriller ukitua du. Jaialdiaren Sail Ofizialean lehiatuko da, 2026an EITBko Primeran plataforman estreinatu aurretik.
Xanti Rodriguez eta Amancay Gaztañaga "Piztiak" seriea filmatzen ari dira
EITBren parte-hartzea duen lana 2026an ikusi ahalko da Primeran plataforman. Yune Nogueiras da Gaztañaga eta Rodriguez zuzentzen ari diren lanaren protagonista.
“Llámame Sinsorga” dokumentala azaroaren 28an estreinatuko dute zinemetan
Marta Gomezek eta Paula Iglesiasek zuzendu dute, eta La Sinsorga Bilboko espazio feministaren sortzeko lnak ditu ardatz.
"Aro berria" filmaren trailerra
Azaroaren 28an iritsiko da zinema aretoetara Irati Gorostidi zuzendariaren lehen film luzea, Donostiako Zinemaldiko New Directors atalean epaimahaiaren aipamen berezia jaso eta gero. EITBren parte-hartzea duen filma ur-kontagailuen fabrika bateko langileen batzarrarekin hasten da: azkenean aurrera egingo ez duen greba bat eztabaidatuko dute. Desengainatuta, inkonformistenek eremu intimoagoetara bideratuko dituzte errotiko transformaziorako dituzten nahiak. Batzuek, fabrika utzi, eta mendietako komunitate isolatu batean integratuko dira, non dozenaka gaztek bilaketa bizia egingo duten, esperientzia katartiko partekatuen medioz.
Zinemakumeak Gara jaialdiak Alauda Ruiz de Azua, Maria Ripoll eta Al Borde Films ekoiztetxea sarituko ditu
Emakumeek zuzendutako filmen jaialdiaren 30. edizioa urriaren 27tik 30era egingo dute, Bilbon. Ruiz de Azuak eta Ripollek Simone de Beauvoir saria jasoko dute, eta Al Borde Filmsek, Bihargi EITB saria.
Zinegileek Moriarti ekoiztetxea saritu dute "Maspalomas" lanagatik
Zinema industriaren barruan zuzendarien kolektiboa ordezkatzeko sortu zen Accion elkarteak Aitor Arregiren eta Jose Mari Goenagaran ekoiztetxea saritu du larunbat honetan Espainiako Zinema Akademian izan den ekitaldian.