Cannes, zinema besarkatzeko gertu
Canneseko zinema jaialdiaren 78. edizioa gaur, asteartearekin, hasiko da, eta Kosta Urdineko hiria zinemaren hiriburu dirdiratsua izango da 12 egunez. Alfonbra gorria zabalduta dago dagoeneko La Croisette pasealekuan, eta berorren gainetik ibiliko dira Robert de Niro irekiera ekitaldian ohorezko Urrezko Palma jasotzeko aukeratua, Tom Cruise, Scarlett Johansson, Paul Mescal, Pedro Pascal, Benicio del Toro, Emma Stone eta Kristen Stewart, besteak beste.
Tom Cruise buru dela, 'Mission: Impossible' sagako azken filma aurkeztuko dute, eta Scarlett Johansson eta Kristen Stewart aktoreek zuzendari moduan egin duten lehen pelikulak aurkeztuko dituzte, 'Eleanor, the Great' eta 'The Chronology of Water', hurrenez hurren.
Jada kale argietan, fatxadetan eta erakusleihoetan paratu dituzten kartelek Anouk Aimée eta Jean-Louis Trintignant aktoreek 'Un homme et une femme' filmean elkarri emandako besarkada ageri da. Berriro maitemindu diren bi alargunen istorioa kontatzen du Claude Lelouch frantses zinemagilearen filmak, 1966an Cannesen Urrezko Palma irabazi zuen pelikulak.
Juliette Binoche frantses aktorea da aurtengo epaimahaiaren burua, eta ondoan izango ditu, Urrezko Palmaren irabazlea ebazteko, Halle Berry eta Jeremy Strong aktoreak, Alba Rohrwacher, Hong Sangsoo, Dieudo Hamadi, Carlos Reygadas eta Payal Kapadia zuzendariak eta Leïla Slimani idazlea.
Epaimahaikideen saria irabazteko hautagaiak dira, besteak beste, Wes Anderson eta Richard Linklater estatubatuar zuzendariak, Julia Ducornau frantsesa, Dardenne anaiak, Carla Simón katalana, Oliver Laxe galiziarra, Jafar Panahi irandarra eta Kleber Mendonça Filho brasildarra.
Zure interesekoa izan daiteke
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.
Martxoak 3 Elkarteak Paul Laverty sarituko du Langilearen Inguruko Zinema Astean
Arkabia Gasteizko aretoa izango da jaialdiaren egoitza, eta eskoziar gidoilaria, Ken Loachen ohiko lankidea, itxiera galan izango da. Zikloan, Estibaliz Urresolak eta Irati Gorostidik ere hartuko dute parte, eta, besteak beste, The Old Oak, Cuerdas eta Contadores ikusi ahalko dira.
?fmt=webp-alpha&qlt=80)
Fant zinema jaialdiak Eugenio Mira zuzendaria sarituko du
Bilboko Zinemaldi Fantastikoaren Film Laburren Sail Ofizialak 19 lan proiektatuko ditu, horietako hamar euskal ekoizpenak. Fantasiazko zinemaren jaialdiaren 32. edizioa maiatzaren 8tik 16ra egingo dute.
Crossover jaialdiak Donostia telesailen hiriburu bihurtuko du aste honetan
Bederatzigarren edizioak estreinaldiak, topaketak eta larunbatera arteko jarduerak bilduko ditu, euskarazko programazio zabalarekin.
Chuck Norris hil da
Aktorearen ibilbidea arte martzialei lotuta dago. 90eko hamarkadan, Walker Texas Ranger telesailak arrakasta eman zion.
Iñarritu: "Kamera ikusleari eman diot eta bakoitzak esperientzia ezberdina biziko du"
Alejandro Gonzalez Iñarritu zinemagile mexikarrak "Carne y arena" instalazioa aurkeztu du EITBren Bilboko egoitzako 5. platoan. Zuzendariak espazio honetan sortzen diren sentsazio eta bizipenak azaldu dizkigu.