Apika Labek bultzatuko dituen ikus-entzunezko sei proiektuak hautatu dituzte
Apika Lab euskal ikus-entzunezko lanetarako babes eta laguntza programa publikoak aukeratu ditu sortze bidean hainbat adituren aholkularitza (istoriogintza, gidoi idazketa, ekoizpena, aholkularitza juridikoa, marketinga, pitchinga, finantzazioa, banaketa, iraunkortasuna…) jasoko duten sei proiektuak.
Apika Lab Ikusentzunezko Produktoreen Elkarteak antolatzen du, Eusko Jaurlaritzaren, Arabako Aldundiaren, Gasteizko Udalaren eta Vital Fundazioaren babesarekin, eta lankide ditu, halaber, Espainiako Kultura Ministerioa, EITB eta Zineuskadi.
2026an, proiektu hauek hartuko dute parte Apika Laben: Trenak ekarritakoak fikziozko film luzea, La Plata ekoizpenaren lana, Pedro Fuentesek zuzendua; Una mujer europea, Atekaleunen fikziozko film luzea, Tamara Garcia Iglesiasek zuzendua; Estoucha Area Audiovisual ekoiztetxearen film luze dokumentala; Quark, Alvaro Arbinak ekoitzitako fikziozko film luzea; La koreana Sirimiri Filmsen fikziozko film luzea, Joana Moya Blancok zuzendu eta Estibaliz Urresolak ekoitzia; eta La Marquesa, El Convento Produccionesen fikziozko seriea.
Guztira, 30 proiektu (21 film luze, bost dokumental eta 4 serie) jaso dituzte, % 57 gizonezkoek zuzendutakoak eta % 43 emakumezkoek zuzendutakoan. Aurreko deialdietan, programa honetan parte hartu dute Sacamantecas-ek (David P Sañudo), Gaua-k (Paul Urkijo), Todos los colores-ek (Bea de Silva), Erresistenteak-ek (Elhuyar), Irailak-ek (Izaskun Arandia)…
Zure interesekoa izan daiteke
Ia milioi bat ikusle izan dira urteko lehen hiruhilekoan EAEko zinema aretoetan
“Torrente presidente” izan da film ikusiena tarte horretan, martxoaren 13an estreinatu bazen ere. “La asistenta”, “Avatar: Fuego y ceniza”, “Hamnet” eta “Cumbres borrascosas” pelikulek osatzen dute bost ikusienen zerrenda.
Bero egiten du Laponian
Zinemara goazen bakoitzean, hitzarmen bat sinatzen dugu pelikularekin: engaina nazazu gozoki, prest nauzu.
Silver Film Festivalek Elena Irureta omenduko du
Jaialdiaren laugarren edizioa apirilaren 20tik 24ra egingo dute, Bilbon, eta 16 filmen proiekzioa, solasaldiak eta hitzaldiak antolatu dituzte. Maiatasuna eta sexua adinari begiratu gabe bizitzeko gonbita egingo du, bost egunez.
"Itzalak argitzen": Euskal zinemaren lau klasikoren zaharberritze prozesua erakusten duen dokumentala
Koldo Almandozek eta Gorka Bilbaok Itzalak argitzen dokumentala ondu dute, 80ko hamarkadaren erdialdean ekoitzitako lau film ertain zaharberritzeko prozesua dokumentatu ostean: Hamaseigarrenean, aidanez (Anjel Lertxundi, 1985), Zergatik panpox (Xabier Elorriaga, 1985), Ehun metro (Alfonso Ungria, 1985) eta Oraingoz izen gabe (Jose Julian Bakedano, 1986). Euskadiko Filmategiaren Euskal Zinema zikloan estreinatuko da.
Euskadiko Filmategiak ondareari eta emakumeen zinemagintzari eskainiko die Euskal Zinema zikloa
Datozen hiru hilabeteetan Gasteizen, Donostian eta Bilbon egingo den zikloan, Itzalak argitzen estreinatuko dute, besteak beste, 1980ko hamarkadaren erdialdean ekoitzitako lau film ertainen zaharberritze lanei buruz Koldo Almandozek eta Gorka Bilbaok egin duten filma.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
“Palestine 36” filmak irekiko du Giza Eskubideen Donostiako Zinemaldia
Apirilaren 23tik 30era 23. edizioa egingo duen jaialdiko pelikuletan hizpide hartuko dituzte, besteak beste, emakumeek erlijioetan duten zeregina, larrialdi klimatikoa, prekarietatearen feminizazioa eta pertsona transek landa giroan duten egoera.
Piztu ziren argi gorriak Hernaniko eskalextrikean
"Argi Gorriak" telesailaren zortzi ataletan, krudela oso da komedia, bizitza nola. Zortzi atal horietan, algarak izozten dizkizute gidoilariek eztarrian.
Stephen Colbertek "Eraztunen jauna" sagako film berria idatziko du, lehen liburuan oinarrituta
Film berria, Eraztunen jauna: eraztunaren komunitatea liburuko lehen kapituluetan oinarrituko da, Peter Jacksonen zinema-egokitzapenean sartu ez ziren kapituluetan, hain zuzen ere.