ERREAKZIOAK: PSE-EEk eta PPk txalotu egin dituzte atxiloketak
Ertzaintzak Ondarroan, Deban eta Mutrikun ETAren kontra egindako operazioaren (bost lagun atxilotu dituzte komando bat osatzea leporatuta) harira, alderdi politikoek ez dute itxaron gertatutakoari buruzko iritzia emateko.
Joseba Egibar EAJren Gipuzku Buru Batzarreko presidenteak adierazi duenez, Ertzaintzak atxilotutakoei leporatzen diena frogatzen badute "lana ongi egina izango da", izan ere, egozten dizkieten ekintzak "oso larriak" dira.
"Ekintza horiek oso larriak izan ziren. Azken bi edo hiru urteetan ekintza gogorrak izan dira, eta horien ardura atxilotutakoena bada, Ertzaintzak bere lana ongi egin duela uste dut", azpimarratu du buruzagi jeltzaleak.
Jose Antonio Pastor PSE-EEren Legebiltzarreko bozeramaileak "albiste zoragarri"tzat jo du ETAko ustezko bost kide atxilotzea eta gustura agertu da Ertzaintzak, "urte askoren ondoren", komando bat atxilotu izana. Haren arabera, atxiloketek "zerikusi handia" dute terrorismoaren kontrako taldearen sorkuntzarekin.
Pastorren esanetan, "beti da ona euskal herritarrentzat" ustezko hiltzaileak atxilotzea, beti ere "delituak egin dituztenean edo egiten ahalegindu direnean".
Bestalde, Leopoldo Barreda EAEko PPren bozeramaileak esan du ETAren kontrako operazioa "beste pauso bat" dela "terroristak garaitzeko" eta azpimarratu du Ertzaintzak azken urteotan ETAren kontra egin duen ekintza "garrantzitsuena" izan dela.
Barredak Ertzaintza zoriondu du "atentatu larrien egileak" atxilotu dituztelakoan, Ondarroako Ertzaintzaren komisariaren kontra 2008an egindako erasoari erreferentzia eginez.
Mikel Arana Ezker Batua-Berdeaken idazkari nagusiak "albiste on"tzat jo du polizia-operazioa eta gogor kritikatu ditu atxiloketak Gobernu aldaketarekin, edo Ertzaintzaren Terrorismoaren Kontrako Taldearekin, "lotzen" dituztenak.
Prentsa ohar batean, Aranak esan du "ETAren komando bat indargabetzea lortu badute" Ertzaintza zoriondu behar dela, "pertsonen kontrako atentatuak egiteko asmoa dutenak zirkulaziotik kentzea dakarrelako".
Gorka Maneiro UPyDren legebiltzarkideak zorionak eman dizkio Ertzaintzari polizia-operazioagatik eta esan du atxiloketek agerian utzi dutela "ezker abertzale erradikalaren baitan ustez ireki den barne eztabaida marketing politiko hutsa dela".
Prentsa-ohar batean Maneirok esker ona agertu dio Rodolfo Ares Herrizaingo sailburuari, "urtetan gure poliziak talde hiltzailearen kontra ezer egin ez duelako".
Mikel Cabieces Espainiako Gobernuak EAEn duen ordezkariak oso begi onez ikusi du Ertzaintzaren polizia-operazioa eta euskal gizartea orain "babestuago eta libreago" sentitzen dela uste du.
Prentsa-ohar batean azaldu duenez, "euskal gizartearen babesa du" operazioak.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.