Portu eta Sarasola torturatzeagatik 4 guardia zibil akusatu dituzte
Igor Portu eta Mattin Sarasola ustez torturatzeagatik lau guardia zibil akusatu ditu Gipuzkoako Fiskaltzak. Ustezko bi ETAko kideek Barajaseko T-4n ustez atentatua egin zuten. Guztira 15 guardia zibil auzipetuta ziren, izan ere, Portuk eta Sarasolak guztiak salatu zituzten, euren atxiloketan eta lekualdatzean parte hartu zutelako.
Behin-behineko akusazioaren idazkian, poliziek "hunkituta" ihardun zutela azpimarratu du Fiskaltzak, izan ere, Jose Fernando Centeno eta Fernando Trapero guardia zibilak hil zituen ETAk Capbretonen (Frantzia), Portu eta Sarasola atxilotu baino aste batzuk lehenago. Beste sei agenteri lesio-faltak egotzi dizkie Ministerio Publikoak.
Horregatik, fiskalak hiru urteko espetxe-zigorra eskatu du bi guardia zibilentzat (sarjentu bat eta kabo bat), bi urte beste birentzat (kabo bat eta goardia bat), eta lokalizazio iraunkorreko hamar egun gainerako seientzat (bi teniente, hiru kabo eta goardia bat). Gainera, kalte-ordainak eskatzen ditu eta zenbait kasutan gaitasungabetzea ere.
Gainerako bost auzipetuetan ez du delitu zantzurik aurkitu Fiskaltzak, horregatik ez du akusaziorik egin.
Akusazioa
Bestalde, ETAko ustezko kideen akusazio partikularrak tortura delitu bat egotzi die 15 guardia zibilei. Horregatik, 6-17 urte bitarteko espetxe-zigorrak eskatzen ditu, eta baita kalte-ordainak ere.
ETAko ustezko kideak 2008ko urtarrilean atxilotu zituzten, Barajaseko aireportuan (Madril) urtebete lehenago ustez atentatua egin ostean. ETAk eraso horrekin martxoaren 24tik indarrean zuen su-etena amaitutzat jo zuen. Atentatuan Diego Armando Estacio eta Carlos Alonso Palate ekuadortarrak hil ziren.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.