Dokumentazioa: Udalbiltza auzia
Udalbiltza, Euskal Herriko Udal eta Udal Hautetsien Biltzarra, 1999ko irailaren 18an sortu zuten Euskadiko, Nafarroako eta Iparraldeko alderdi nazionalistek. Euskal Herriko lehen erakunde nazionala zela esan zuten.
Sortze ekitaldia Bilboko Euskalduna Jauregian egin zuten eta, besteak beste, EAJko, EHko, EAko eta ABko 1.800 hautetsi inguru joan ziren.
Dena dela, ETAk 1998an iragarritako su-etena hautsi zuenean, arazo ugari izan ziren erakunde jaioberrian, eta bi Udalbiltzatan zatituta geratu zen: Alde batetik, EAJk eta EAk sustatutakoa, eta bestaldetik, ezker abertzaleak bultzatutakoa. Azken hori Udalbiltza-Kursaal izenaz ere da ezagun.
Haren aurkako auzia duela zazpi urte hasi zuten. Orduan, Auzitegi Nazionalak 13 pertsona kartzelatu eta erakundeko egoitzak itxi egin zituen.
Orotara 22 pertsona daude auzipetuta, eta Fiskaltzak 10 eta 15 urte arteko espetxe zigorrak eskatu ditu haientzat. 240 urte guztira, ETAko kide izatea eta erakunde armatuarentzat dirua desbideratzea egotzita.
Hain zuzen ere, auzipetutakoak honakoak dira: Xabier Alegria, Miriam Campos, Joseba Mikel Garmendia, Miren Karmele Urbistondo, Leire Idoyaga, Oscar Goñi, Larraitz Sanzberro, Jose Manuel Jurado, Lander Etxebarria, Eider Casanova, Loren Arkotxa, Miren Josu Aranburu, Imanol Esnaola, Xabier Iragorri, Xarlo Etxezaharreta, Esperanza Iriarte, Miren Jasone Astibia, Urko Irastorza, Maria Victoria Ugarteburu, Juan Carlos Alducin, Miren Odriozola eta Ibon Arbulu.
Akusazio idatzian, Fiskaltzak 10na urteko espetxe zigorrak eskatu ditu ETAko kide izatea egotzita. Lauri, baina, beste bost urte gehitu dizkie, funts publikoa desbideratzea leporatuta.
Ministerio Publikoaren ustez, Udalbiltza-Kursaal "ETAren menpe" dago, eta erakunde armatuak Batasunaren hutsunea betetzeko erabili zuen.
Bere aldetik, erakunde abertzaletik adierazi dute ez dagoela "inolako frogarik auzipetutako pertsonak eta Udalbiltza lotzen dituenik", eta ez dela "inolako egintza zehatzik egozten ETAren jarduerarekin zerikusirik izan dezakeenik".
Epaiketa uztailaren 15ean, 16an, 22an eta 23an, eta irailaren 7an, 8an, 9an, 13an, 14an eta 15ean egingo dute.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.