Pagazaurtundua familiak dio 'itxaroten' ari ziren eguna heldu dela
Joseba Pagazaurtunduaren sendiak (atzo haren ustezko hiltzailea atxilotu zuten Hernanin) dio atzokoa "itxaroten" ari zen eguna, "urtetan irrikatu" dutena iritsi zela, eta "sentipen kontrajarriak" dituztela. Era berean, eskerrak helarazi nahi izan dizkie Ertzaintzari eta Estatuko Segurtasun Indarrei.
Maite Pagazaurtunduak Estibaliz Garmendia anaiaren alarguna alboan zuela azaldu duenez, Gurutz Agirresarobe ETAko ustezko kidearen atxiloketak "lasaitu moral bitxia" eragin du sendiaren baitan.
Terrorismoaren Biktimen Fundazioko presidenteak esan du Euskal Herrian "terrorismoari zilegitasuna kentzeko lidergo handiagoa falta" zela eta orain "badirudi" hori aldatu egin dela eta "aginte berriak mesede egin diola Ertzaintzaren zuzendaritzari".
Pagazaurtunduaren hitzetan, urteetan zehar "gauza asko ez ziren ondo egin", baina "dena aldatzen joan zen" eta Juan Jose Ibarretxeren azken garaian "hobekuntza txikia" eman zen.
Ertzaintzari kasua berriro irekitzea eskertu dio, eta esker ona Estatuko Inteligentzia Zentroari (CNI) eta Segurtasun Indarrei ere helarazi die, izan ere, profesional horien lanarengatik izango ez balitz ez litzateke "ETAren gainbehera egoera hau iritsiko".
Senideentzat eta gizartearentzat positibotzat jo du Josebaren ustezko hiltzaileen atxiloketa, "joko-arauentzat ez baitago inpunitatea baino gauza okerragorik".
Maite Pagazaurtunduaren arabera, terroristek ez dute "erantzukizunerako senik", euren ustez eurak baitira "biktimak", eta "nortasuna modu itxuragabean ulertzen baitute".
Pagazaurtunduaren ustez, ETAko kideek "nortasunaren inguruan nartzisismo patologikoa" dute; horren ondorioz, "aberriarekiko maitasuna eta aberriaren ikurrak gaizki ulertzen dituzte" eta euren moduan pentsatzen ez dituztenei jazarpena egiten diete.
Eusko Jaurlaritza
Bestalde, Gurutz Agirresaroberen eta Aitziber Ezkerraren atxiloketek "ETAren terrorismoaren amaiera hurbilago" dagoela uzten dute agerian, Isabel Celaa Hezkuntza sailburuaren ahotan.
Azaldu duenez, "azken egunetan gertakariek bide onetik goazela erakusten digute, ETAren terrorismoaren bukaera hurbilago dagoelako, horregatik gaurkoa egun ona dela uste dut".
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.