Konferentzia ez ote den propaganda zalantzan jarri du lehendakariak
Patxi Lopez lehendakariak ongietorria eman die Nazioarteko Bake Konferentziari eta Berti Ahern eta Tony Blair Irlandako eta Erresuma Batuko lehen ministro ohiek Euskadin bakea lortzeko egindako ahaleginei, baina zalantzan jarri du aipatu konferentzia ez ote den ezker abertzalearentzako "propaganda" izango.
Lopezek azaldu du ez dutela gonbidatu konferentziara, eta ez duela bertan behera utziko AEBetarako bidaia horretan parte hartzeko. "Ez naute gonbidatu eta ez dut bertan behera utziko bidaia", esan du, Bruselan Joaquien Almunia Lehiakortasun komisarioarekin batzartu eta gero.
"Bake eta askatasun bidean aurrera egiteko ekimen guztiak ongietorriak dira. Horrek guztiak ezker abertzaleari propaganda egitea helburu duen beste kontu bat da. Ez dut balorazio sakonagorik egin nahi", gaineratu du.
"Zurrumurruak"
Bestalde, Euskadin indarkeriaren garaiari amaiera emateko "atzera-martxarik ez duten pauso irmoak eman behar" direla adierazi du lehendakariak Bruselan, "zurrumurruak" alde batera utzita.
ETAk desegin egingo dela iragartzeko komunikatu bat gertu ote dagoen galdetu diote Lopezi kazetariek. Iragarpen horren datarik ematea baztertu du lehendakariak, "zurrumurruak" direlako. "Gai honek behar ez duena zurrumurruak eta burutapenak dira", erantsi du.
Lopezen hitzetan, "atzera-martxarik ez duten pauso irmoak eman behar dira, indarkeriaren garaiari amaiera emateko eta elkarbizitzaren eta askatasunaren aroa zabaltzeko".
Albiste gehiago politika
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".