Donostiak Nazioarteko Bake Konferentzia bat hartuko du astelehenean
Lokarri Akordioaren eta Kontsultaren Aldeko Herritarren Sareak, Brian Currinen abokatu hegoafrikarraren Nazioarteko Harreman Taldeak (GIC) eta nazioarteko beste lau fundaziok Nazioarteko Bake Konferentzia bat antolatu dute astelehenerako, urriak 17, Donostia-ko Bakearen Etxean. Helburua euskal gatazkari konponbide bat ematea da.
Berghof Foundation, Conciliation Resources, The Desmond and Leah Tutu Legacy Foundation eta NOREF nazioarteko fundazioek konferentziarekin bat egingo dute. Erakunde horiek guztiek gatazken konponbidean eskarmentua dute.
Deialdiaren berri astearte honetan emango dute Donostian, prentsaurrekoan. Pierre Hazan Nazioarteko Harreman Taldeko kideak eta Jonathan Powellek, Tony Blair Erresuma Batuko lehen ministro ohiaren kabineteko buruzagi ohiak hitz hartuko dute, bakoitzak egindako ekarpenak eta konferentziaren helburuak azaltzeko.
Lokarrik jakitera eman duenez, agerraldian Euskal Herriko pertsona ospetsuek parte hartuko dute konferentzia babesteko.
Fundazioen ibilbidea
Gatazkak Konpontzeko Berghof Fundazioak (Alemania) 35 urte baino gehiago daramatza baliabide filantropikoak bake ikasketetara bideratzen. Fundazio pribatu familiarra da, eta gatazken konponbideetako innobazioan bikaintasuna lortzea dute helburu.
Conciliation Resources (Erresuma Batua) erakunde independentea da, eta nazioarteko mailan lan egiten du, "gatazka bortitzak prebenitzeko, justizia sustatzeko eta gerrek suntsitutako gizarteetan bake iraunkorra eraikitzeko".
Desmond and Leah Tutu Legacy Foundation jaioberriak Desmond eta Leah Tuturen jabego intelektuala salbatzea du helburu. "Desmond eta Leah Tutu" izena duten erakunde, beka eta programa guztien plataforma da, eta biek bakearen alde egindako lana zabaltzen lagunduko du.
Norwegian Peacebuilding Resource Centre/Norsk Ressurssenter for Fredsbygging (NOREF) baliabide zentroa da, ezagutzak eta esperientziak bildu eta bake politikak indartzeko. Norvegian bakea lortzeko zentro giltzarritzat jo zuen herrialde hartako Gobernuak 2008ko ekainean.
Zure interesekoa izan daiteke
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.