Biktimek huts egin dietela sentitu dute ETA desegin ez delako
Terrorismoaren biktimen elkarte nagusiek jarduera armatua behin betiko utziko duela esaten duen ETAren komunikatua "iruzurtzat" jo dute, taldea desegin egingo zela eta armak utziko zituztela espero zutelako.
Angeles Pedraza Terrorismoaren Biktimen Elkarteko (AVT) presidenteak esan du komunikatua "orain arte gauza bera" dela, eta ETAren hizkeraren pauso bat gehiago dela gaineratu du. Halaber, terroristek "gatazka" eta "elkarrizketa" berriro aipatzeko beste aukera bat izan da.
Cristian Matia Euskadiko Terrorismoaren Biktimen Kolektiboko (Covite) bozeramaileak azaldu duenez, gaur bezalako komunikatuek "ez dute ezertarako balio", izan ere, "berriro gogoeta egin" eta hiltzen jarrai dezakete.
Matiaren hitzetan, terrorismoaren biktimek ez dute "horrelako komunikaturik" espero, "benetan" nahi dutena eta "noizbait" terroristengan konfiantza izatera bultza ditzakeena "armak entregatzea" delako. "Bete behar dituzten zigorrak betetzeko Justiziaren esku geratu behar" direla erantsi du.
Voces Contra el Terrorismoren ustez, "ez da batere sinesgarria" taldea ez baitu desegin egingo dela iragarri, estrategia aldatuko duela baizik.
Daniel Portero Dignidad y Justicia elkarteko presidenteak azaldu duenez, ETAren komunikatua "iruzurra" dela esan du, haren ustez, benetan adierazi behar izango luketena euren desegitea delako eta ez jarduera armatua behin betiko utzi dutela, eta ez dute egin "hori adierazi dutenek ez dutelako euren burua entregatu eta erbestean daudelako".
Rosa Lluch, Ernest Lluch ETAk hildako ministro ohi sozialistaren alaba, "pozik eta hunkituta" azaldu da.
Carlos Saenz Tejada ETAren azken biktimaren aitak komunikatua "txorakeria" dela esan du. Guardia zibila Diego Salva Lezaun lankidearekin batera hil zuen ETAk 2009ko uztailaren 30ean.
Jose Antonio Saenz de Tejada adierazi duenez, komunikatua Donostian duela pare bat egun egindako "konferentzia edo akelarrearen kopia-pega" bat izan da eta hauteskunde-kanpainaren testuinguruan kokatu du.
Irene Villak hankak galdu zituen ETAren bonba batek eztanda egin ostean. Komunikatua beste pauso bat dela esan du Villak, baina ez dela fidatzen gaineratu du.
32 urteko Villaren hitzetan, "askok sofritutakoa sekula beste inork bizi behar izana desiratzen dugu, autoaren azpian lehergailu bat edo aitarik gabe izartu behar izana, alegia".
Bestalde, erakunde terroristaren komunikatua "patetikoa" dela adierazi du Francisco Tomas y Valiente Auzitegi Konstituzionaleko presidente ohiaren seme batek. Tomas y Valiente 1996an hil zuen ETAk.
Terroristen eta indarkeriaren "porrota" dela adierazi du Tomas y Valienteren semeak. Espainiar guztiek eta demokraziak garaipena lortu dutela ulertu du biktimaren senideak.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.