ETAren adierazpena itxaropentsu hartu dute alderdi gehienek
EAJ
ETAren komunikatuaren ostean Euskadi "zoriontasun indibidualeko eta kolektiboko unea bizitzen ari da", EAJko presidentearen hitzetan. Hala ere, "dena ez dago eginda", ohartarazi du Urkulluk, izan ere, adiskidetzea, elkarbizitza eta bakea lortzeko "lan" egitea beharrezkoa da.
PSE
Txema Oleaga Bilboko Udaleko zinegotzi sozialistaren ahotan, ETAren aurrean "bere sendotasuna azaldu" demokraziak eta gizartea "bakean bizitzea lortzeko neurria eman" behar dela ohartarazi du.
PP
ETAren "pertsiana jaitsierarekin negozioa erabat ixtea" espero duela esan du gaur Antonio Basagoiti EAEko PPko presidenteak. "Oinarri demokratikoak, askatasuna eta biktimak aintzat hartzeko" jarrera aldaketa bat eskatu dio erakunde terroristari Basagoitik.
Aralar
"ETAren adierazpena agente politiko guztiek eta gizarteak sinetsi" dutela azpimarratu du Patxi Zabaleta Aralarreko koordinatzaile nagusiak. Era berean, "aro berri batean sartzen" ari garela nabarmendu du.
EA
"Estatuen immobilismoaren aitzakiak" amaitu dira ETAren komunikatuaren ostean, adierazi du Pello Urizar EAko idazkari nagusiak. Orain "pilota Espainiako eta Frantziako gobernuen teilatuen gainean" dagoela erantsi du. "Agintari politikoen espetxeratzeak eta presoen eskubideak ukatzen jarraitzea onartezina" dela esan du Urizarrek.
EB
Espainiako Gobernuak "neurria emateko dei" egin du gaur Mikel Arana Ezker Batuako legebiltzarkideak. Horrela, ETAk indarkeria "behin betiko" uzten duela baieztatzeko "egiaztatze prozesu" bat martxan jartzeko eskatu dio Exekutiboari. Gainera, erakunde terroristarekin "elkarrizketa bideak" zabaltzeko eskatu dio Gobernuari, "desegitea, armak eta presoen egoerari buruz soilik hitz egiteko, hau da, gai teknikoak jorratzeko".
UPyD
Nicolas de Miguel UPyDko koordinatzaileak adierazi duenez, oraindik ETA "desegitea falta" da, "metrailetak entregatu eta barkamena eskatu behar dute". Era berean, "historiaren berridazketa errugabeen hilketaren aurrean ezer esan gabe geratu ziren faxisten eskuetan utziz gero ez da justiziarik" izango, ohartarazi du.
Izquierda abertzalea
Ezker abertzaleak ohartarazi du ETAk jarduera armatua uzteko hartutako "erabaki historikoa" ez dela "gatazka politikoaren amaiera". Hori horrela, elkarrizketak abiarazteko deia egin du, "Euskal Herriaren eta erabakitzeko eskubidearen aitortza" barne hartuko duen "akordio demokratikoa" lortzeko.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.