Ezker abertzaleak dio 'gizarteak eskatzen zuen neurria' zela
Pernando Barrena ezker abertzaleko kideak esan du ETAk jarduera armatua utzi izanak agerian uzten duela "bat egin" duela bide politiko eta demokratikoen aldeko apustuarekin.
Barrena izan da ezker abertzaleko lehenengo bozeramailea ETAren agiriaren inguruan hitz egiten. Ser irrati-katean egin dioten elkarrizketan esan du heldutasunezko erabakia izan dela ETArena.
Erabakia "mugarria izango da gure herrialdeko bizitzan" eta elkarrizketa abiaraziko du ETA irdankeriara eraman duten arrazoien inguruan, Barrenaren arabera.
Horren harira, "gatazkaren ondorioez" hitz egiteko elkarrizketa prozesu bat hasteko eskatu dio Jose Luis Rodriguez Zapatero Espainiako presidenteari. Barrenak "desengainua" hartu omen du Zapateroren erreakzioarekin, izan ere, "badirudi badakiela joan egingo dela eta ezin duela ezer egin", baina Barrenak uste du "euskal gizarteak eskatzen duen prozesua hasteko ardura" bere gain dagoela.
Ezker abertzaleko kidearen esanetan, ETAk "ongi egin du" bere erabakia "agiri labur" batean argitaratuta, ez baitu "zalantzarik uzten" eta "jarduera armatuaren zikloa ixten du".
"Erabaki sendoa da, oso zehatza eta interpretaziorako tarte gutxi uzten du", gaineratu du Barrenak, erabakia "euskal gizartearen errealitateak duela denbora asko" eskatzen zuela aitortu aurretik.
Euskal Herrian berradiskidetzea lortzeko "beste aldeak duen egiaren eta arrazoiaren parte bat onartzea" proposatu du, eta horretarako "gatazkaren ondorioez" hitz egitea ezinbestekoa izango omen da.
Buruzagi politiko nafarrak "biktimak, presoak eta herbesteratuak" gogoan izatea azpimarratu du elkarbizitzan aurrera egin ahal izateko.
Albiste gehiago politika
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.