Garitano: 'Ez dugu egoera zaila, baina bai tentuz ibiltzekoa'
Martin Garitano Gipuzkoako ahaldun nagusia Radio Euskadin eskainitako elkarrizketan, defizitaren inguruan sortutako arazoa "diru-bilketan" duela oinarria esan du eta Jaurlaritza kritikatu du.
Aldundiak defizit arazoak dituen ala ez galdetuta, "ez dugu egoera zaila, baina bai tentuz ibiltzekoa", adierazi du Garitanok.
Bestetik, "osasun zentimoa" kritikatu du, "ez zaizkigulako zeharkako zergak gustatzen, denek ez dituztelako diru-sarrera berdinak, eta garraiolariei, gainera, min handia egin diezaieke".
Atez ateko bilketa
Hondakinen kudeaketarako atez ateko sistema defendatu du Gipuzkoako ahaldun nagusiak, "eredu jasangarriena delako, ekonomikoena eta ekologikoena".
Proiektu hau defendatzen dute, eta zentzu honetan, erraustegi-instalazio bati babesa ematea baztertu du, "baina hori ez du Aldundik erabakitzen, Partzuergoak baizik, eta Udalek, beraiek baitituzte eskumen horiek". Aldundiari kudeaketa horren planifikazioa dagokiola gogoratu du.
Horren harira, atez ateko sistema hiri handietan jartzea bideraezina dela esaten dutenei erantzunez, Donostia baino hiri handiago batzuek egiten dutela adierazi du.
Ezker abertzalearen adierazpena
Igandean ezker abertzaleak aurkeztu zuen adierazpenaren balorazioa egin du Garitanok, eta "bere egiten duela" esan du. "Zintzoa eta sakona da prozesu honetan aurrerapausoak ematen jarraitzeko".
Biktimen barkamenaren inguruan, "barkamenak zentzu erlijiosoa du, eta ez zaigu hori politikari aplikatzea gustatzen".
"Irtsiko da eguna non herrialde honetan denek hausnartu beharko dugun eragindako eta jasandako mina. Ez da soilik eragindakoa, jasandakoa ere bai".
Zentzu honetan, Kongresuko akordioa "ez da nahikoa" Gipuzkoako ahaldun nagusiarentzat.
Bestetik, martxoaren 8rako lehendakariak egin duen deialdiari, "entzungo dugu esaten duena", erantzun du.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.