Ertzaintzako sindikatuek laguntza gehiago eskatu diote Aresi
Rodolfo Ares Herrizaingo sailburuak atzo iragarritako neurriei eta Jaurlaritzak erosiko duen material berriari buruzko xehetasunak eman dizkie gaur arratsaldean Ertzaintzako sindikatuei.
Herrizaingo Saileko iturrien arabera, bilera horren helburu nagusia, Ertzaintzaren ordezkariei "zuzenean" neurri berriak azaltzea izan da. Bilera Erandioko polizia etxean egin dute.
Horrez gain, neurri berrien inguruan sindikatuek duten iritzia jaso du Rodolfo Aresek.
ErNE, ESAN, Sipe eta Euspel sindikatuen hitzetan, Iñigo Cabacasen heriotzak "lan egiteko modua aldatzera eraman behar gaitu", baina "ezin da Ertzaintzarentzat egozte hasiera bat izan".
Ildo horretan, Herrizaingo Saileko arduradunak kritikatu dituzte; izan ere, Herrizaingo agintariek "azaldutakoa jaso dute, baina ez dute inolako konpromisorik hartu".
Erandion bilera egin ostean, lau sindikatuek agiri bat bidali dute. Sailburuarekin batera, Miguel Buen Segurtasun sailburuordea eta Jose Antonio Varela Ertzaintzako zuzendaria batzartu dira ordezkari sindikalekin.
Atzo, Ertzaintzaren Herri Segurtasunerako unitateek gomazko pilotak erabiltzeari utziko diotela iragarri zuen Rodolfo Aresek.
Nolanahi ere, debekua ez da erabatekoa izango, brigada batzuek, hots, Brigada Mugikorrak eta errefortzu brigadek, "salbuespen-egoera batzuetan" erabili ahal izango baitituzte.
Orotara, Ertzaintza osatzen duten 8.000 agenteetako 6.000ri eragingo die gomazko pilotak erabiltzeari uzteko erabakiak.
2013ko urtarrilaren 1 arte, Herri Segurtasunerako agenteek "mugatuta" izango dute gomazko piloten erabilera. Hain zuzen ere, nagusiak aginduta baino ezingo dituzte erabili.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.