Oroimena eta Bizikidetzari buruzko Biltzarra, Bilbon
Oroimenari eta Bizikidetzari buruzko Biltzarra hasi da astelehen honetan Bilbon. Eusko Jaurlaritzak antolatutako ekimen honetan Euskadiko terrorismoaren eta beste gatazketako biktimek hartuko dute parte. Biltzar honek bakea eta elkarbizitza sendotzea izango ditu helburu.
Saioak igandera arte luzatuko dira. Egun horretan Jorge Fernandez Barne ministroa izango da itxiera ekitaldian. Foro honetan indarkeriaren eta askatasun gabeziaren ondorioei buruz eztabaidatuko dute, "Euskadin etorkizuna eraikitzeko, baina iragana ahaztu gabe", antolatzaileek azaldu dutenez.
Patxi Lopez lehendakaria, Cecilia Malmstron Europar Batzordeko Barne komisarioa, Jesus Loza Bizikidetzarako Eusko Jaurlaritzako ordezkaria eta Maixabel Lasa Eusko Jaurlaritzako Biktimen Arretarako Bulegoaren zuzendaria izan dira irekiera-ekitaldian.
Gaurtik (astelehena) igandea arte Oroimena eta Bizikidetzari buruzko Biltzarra zuzenean jarraitu daiteke eitb.com-en.
Lehen saioa
Irekiera ekitaldiaren ostean, biktimen testigantzak izango dira entzungai. Izan ere, Eusko Jaurlaritzaren esanetan, "funtsezkoak" dira bizikidetza eraikitzeko. Arratsaldean, Isabel Allende Txileko senatariak eta Shlomo Ben Ami Israelgo Atzerri Gaietarako ministro ohiak euren herrialdeetan izandako eskarmentuak azalduko dituzte.
Gainontzeko partehartzaileak
Datozen egunei begira, Adriana Faranda Brigada Gorrien kide ohiaren eta talde terrorista horren biktima baten partehartzea nabarmendu dezakegu.
Halaber, Jose Pedro Perez Llorca Espainiako Konstituzioaren "aita" izango da bertan. Gainera, Alemania naziaren, Sobietar Batasunaren eta Yugoslaviaren gatazketan adituak diren hainbat hizlarik parte hartuko dute.
Haiekin batera, komunikabideen arduradunak, kazetariak, talde bakezaleen ordezkariak eta bakean eta memoria historikoan adituak diren unibertsitateetako ordezkariak izango dira. Gainera, kulturak ere txoko bat izango du, Luisa Echenique eta Luis Aramburu idazleek eta Elias Querejeta zinemagileek parte hartuko dutelako.
Biktimen elkarteaz gain, Eusko Jaurlaritzak alderdi politikoei ere luzatu die gonbidapena.
Carmen Gisasolaren ika-mika
Eusko Jaurlaritza Carmen Gisasola ETAko kide ohia forora ekartzeko izapideak egiten hasi zen baina gonbidapen horrek ika-mika handia piztu zuen. Gisasola ETAtik aldendu da eta Langraizeko espetxean dago. Hala ere, Barne Ministerioak ez dio Gisasolari forora joateko baimena eman.
Zure interesekoa izan daiteke
PSOE bat dator Felipe VI .ak elkarbizitzarako egindako deiarekin, estremismoen mehatxuaren aurrean
Cristina Narbona PSOEko presidenteak bat egin du Espainiako erregeak Gabonetako mezuan egindako "administrazio publikoen eta alderdi politikoen erantzunkidetasunerako deiarekin", eta bere alderdiak bere ekintzetan "eredugarritasunik handiena bermatzeko lan egiteko" konpromisoa agertu du.
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.