Euskadiko PP: 'Ezkontza homosexualen gaineko epaia txalotu dugu'
Iñaki Oyarzabal Euskadiko PPko idazkari nagusiak Auzitegi Konstituzionalak ezkontza homosexualen harira emandako epaiaz hitz egin du: “Euskadiko PPk Auzitegi Konstituzionalaren epaia txalotu du, poztasunez hartu dugu”.
Radio Euskadin egindako elkarrizketa batean Iñaki Oyarzabalek adierazi duenez, epaiak “segurtasun juridikoa eta ziurtasuna” ematen die ezkontzea erabaki zuten edo etorkizunean ezkondu nahi duten sexu bereko bikoteei. Euskadiko Alderdi Popularrak “ez ditu inoiz ezbaian jarri sexu bereko ezkontzak, ez dira inoiz arriskuan egon, zalantzak ezkontza hitzaren gainean zeuden”. Auzitegi Konstituzionalaren erabakiaren ondotik, “PPren Gobernuaren asmoa legea dagoen bezala mantentzea da”, gaineratu du.
Otsailean egindako kongresuan Euskadiko Alderdi Popularrak gay eta lesbianen eskubideak babesteko eta diskriminazioaren aurka borroka egiteko konpromisoa hartu zuen.
Memoriaren Eguna ere hizpide izan du Iñaki Oyarzabalek gaur goizeko elkarrizketan. Biktimen aldeko Memoriaren Eguna azaroaren 10ean ospatuko da, terrorismoaren biktimak gogoratzeko eta horiei omenaldia egiteko. Hala ere, ospakizun horrek desadostasunak eragin ditu alderdi politikoen artean.
Eusko Jaurlaritzak, Eusko Legebiltzarrak eta beste hainbat erakundek ekitaldiak antolatu dituzte. Eusko Legebiltzarrak antolatutako ekitaldiaren harira, eztabaida piztu da, izan ere, PSE-EE, Aralar eta EA alderdiek euren haserrea adierazi die Arantza Quiroga Legebiltzarreko presidenteari, omenaldiaren formatua eurekin adostu ez duelako.
Iñaki Oyarzabal triste hitz egin du alderdi politikoen arteko batasun eza dela eta, izan ere, haren hitzetan, “erraza da elkarturik lore-eskaintza bat egitea, eta etorkizunari begiratzea”.
Bestalde, EAJk Eusko Jaurlaritza osatzeko laster hasiko duen bigarren bilera-sortaren harira, “jarrera argitzeko” eskatu dio Oyarzabalek EAJri: “EAJ aukeratu egin behar du, ezin du alderdi bakoitzarekin nahi duena adostu”.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.