Goioagaren izendapena, Legebiltzarreko lehenengo ika-mika
Beharrezkoa den boto-kopurua lortzekotan, Iñaki Goioaga ETAko presoen abokatua senatari aukeratuko dutela adierazi du gaur Bakartxo Tejeria Eusko Legebiltzarreko presidenteak. Goioaga EH Bildu koalizioaren hautagaia da.
Gaur, Carlos Urquijo Espainiako Gobernuko ordezkariak esan du ez duela "bidezkoa" ikusten Iñaki Goioaga abokatua senatari izatea. Horregatik, gutuna igorri dio Bakartxo Tejeria Eusko Legebiltzarreko presidenteari. Goioagaren izendapena eragozteko formula proposatu dio Urquijok Tejeriari.
Iñaki Goioagak ETAko presoak defendatu izan ditu, eta Auzitegi Nazionalean auzipetu zuten; azkenean, baina, aske geratu zen.
Tejeriaren hitzetan, Legebiltzarreko taldeek hautagaiak izendatu behar dituzte, eta, ondoren, Legebiltzarreko Bateraezintasunen Batzordeak erabaki beharko du Goioaga hautagai izan daitekeen.
Izendapen horren aurka erabakirik hartuko duen galdetu diote kazetariek Tejeriari. "Norberak bere betebeharretan hartu behar ditu erabakiak", esan du. "Taldeen erantzukizuna da hautagaiak izendatzea, eta Bateraezintasunen Batzordearena, berriz, bateraezintasunik dagoen aztertzea".
"EH Bilduk Goioaga aukeratu du, eta horren inguruan ez daukat ezer esateko. Beharrezkoa den boto-kopurua lortzen baldin badu, eta baldintza guztiak betetzen baditu, senatari izango da", azaldu du.
EH Bilduren erantzuna
Senaturako hautagaiak nortzuk izan behar diren erabakitzeko eskumenik ez daukala erantzun dio gaur Laura Mintegi EH Bilduko bozeramaileak Carlos Urquijori. Horren ustez, Goioagaren hautagaitza "egokia" da.
Mintegiren hitzetan, EH Bilduk ez ditu erabakiak ''lotu gabe'' hartzen, eta Goioaga proposatzea erabaki aurretik erabaki hori ''neurtu eta kontrastatu'' duela baieztatu du. Hala, EH Bilduk erabaki hori hartu baldin badu, erabaki ''egokiena'' delako izan dela gaineratu du Mintegik.
Bildarratz eta Rodriguez, Goioagarekin
Goioagarekin batera, Jokin Bildarratz (EAJren hautagaia) eta Tontxu Rodriguez (PSErena) izendatuko dituzte senatari, urtarrilaren 24an.
Bildarratzek EAJren botoak jasoko ditu, eta Goioagak, EH Bildurenak. Tontxu Rodriguezek, baina, EH Bilduren edo EAJren babesa ere beharko du.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.