ETAko ustezko kide bat atxilotu dute Brasilen
Brasilgo Poliziak Joseba Gotzon Vizan Gonzalez ETAko ustezko kidea atxilotu du ostiral honetan Rio de Janeiron, Espainiako Barne Ministeriotik jakinarazi dutenez.
Atzemandakoak ihes egin ei zuen 1991n, Poliziak ETAren Bizkaia taldea desegin eta gero. Espainiako Auzitegi Nazionalak atxilotzeko eta entregatzeko nazioarteko agindua emana zuen.
Polizia-iturriek jakitera eman dutenez, Brasilen asilo politikoa eskatzeko interesa azaldu du atxilotuak. Hala ere, Valmir Lemos de Oliveira Rio de Janeiroko Polizia Federaleko buruak adierazi duenez, "garrantzirik gabeko iruzkina izan zen".
Brasilen bizi zen
Joseba Gotzon Vizan Gonzalez Basaurin jaio zen, 1959an, eta hainbat urte zeramatzan Brasilen, ETAk emandako dokumentazio faltsuarekin, Barne Ministerioak jakitera eman duenez.
Bizkaia taldearen menpe zegoen ''talde legal'' baten kide omen zen, eta, talde horretako beste kide batzuekin batera, lapa-bonba bat jarri zuen Manuel Muñoz Dominguez Polizia Nazionaleko agentearen ibilgailuan, Barne Ministerioak emandako datuen arabera. Agentea larri zauritu zen.
Ekintza hura dela-eta, hura atxilotzeko agindua eman zuten nazioartean, eta agindu hori oinarri hartuta atxilotu dute orain.
Halaber, egun batzuk geroago, eta lapa-bonba jarrita berriz ere, Manuel Muñoz Dominguez Polizia agentearen kontrako atentatua egin zuen ustez, Bilboko Bolueta auzoan.
Bestalde, 1988an, atxilotuaren laguntzarekin ustez, Basauriko Polizia Nazionaleko komisariaren kontrakoa erasoa egiten saiatu zen Bizkaia taldea.
1990ean, Bizkaia taldearen egitura berregin omen zuen Joseba Gotzon Vizanek, eta kide berriak erakartzeko lanaren ardura hartu ei zuen. 1991n egin zuen ihes.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.