ETAko bi kide kondenatu dituzte Portugalen basea jartzen saiatzeagatik
Auzitegi Nazionalak 37 eta 22 urteko espetxe zigorra ezarri die Garikoitz Garcia Arrietari eta Iratxe Yañez Ortizi, 2010. urtean Portugalen ETAko base bat jartzen saiatzeagatik. Halaber, hirugarren akusatu bat absolbitu dute.
2010. urtean atxilotu zituzten Portugaleko mugatik gertu, armak, lehergailuak eta dokumentu faltsuak zeramatzatela. Guardia Zibilak Garcia Arrietak gidatzen zuen furgoneta bat gelditu zuen Bermillo de Sayazo herrian (Zamora).
Azken honek agenteak furgonetaren barrura bultza zituen eta horietako bati txorkatila bihurritu zion. Ondoren, Guardia Zibilaren furgonetan ihes egin zuen. Portugalerantz joan zen baina bertan atxilotu zuten.
Bestalde, Yañez Ortiz Frantziatik Portugalera joan zen operazioa babesteko asmoz, baina bertara iritsi zenean atxilotu zuten. Epaiketan, orain 10 urtetik ETAko kide dela onartu zuen.
Lehergailuak eramatea onartzeak, akusatuaren aitormenak eta euren jarrerak "ETArekin lotura eztabaidaezina" dutela frogatzen dute Auzitegi Nazionalarentzat.
Ildo honetan, "ETAren esanetara" zeudela frogatuta gelditu dela ondorioztatu du Auzitegiak.
Garcia Arrietari 9 urteko espetxe zigorra ezarri diote ETAko kide izateagatik, beste 10 urtekoa armak eta lehergailuak eramateagatik, 3koa dokumentuak faltsutzeagatik, 12 urte eta erdikoa lesioak eragindako atentatua egiteagatik eta beste 2 urte eta erdikoa ibilgailu bat lapurtzeagatik.
Gainera, 3.075 euro ordaindu beharko dizkio txorkatila bihurtu zion guardia zibilari.
Yañez Ortizi 9 urteko espetxe zigorra ezarri diote ETAko kide izateagatik, 10 urtekoa armak edukitzeagatik eta 3koa dokumentuak faltsutzeagatik.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.