Euskal alderdien erreakzioak 'Barcenas auzia'ren aurrean
Enpresarien dohaintzekin PPko kideek aparteko soldatak jasotzen zituztela frogatzen duten agiri sekretuak argitara eman ostean, euskal alderdi politikoen erreakzio soka berehala iritsi da.
Aitor Esteban EAJren Kongresuko bozeramaileak errefusatu egin du Espainiako Gobernuarekin ustelkeriaren kontrako ituna egitea PPk Barcenas auzia argitzen ez duen bitartean.
"Ez dugu epaile edo fiskal izan nahi, baina sistema demokratikoaren mesedetan eta herritarren konfiantza lortzeko, beharrezkoa da berehala argitzea, kapitulu berri baten zain egon beharrean", adierazi du Estebanek.
Laura Mitnegi EH Bilduren bozeramaileak, bere aldetik, beste edonon dimisioren bat izango zela salatu du.
Hori horrela, Mintegik azpimarratu du "larria" dela "iruzurra bera, baina baita ukatzeko esaten den gezurra ere". "Arduradunak nortzuk diren jakiteko neurri azkarrak eta eraginkorrak" eskatu ditu.
Euskal sozialistei dagokienez, Jose Antonio Pastor PSE-EEren bozeramaileak aldarrikatu du "PPren barruan ardurak berehala hartzea beharrezkoa" dela, izan ere, izen-abizenak esan dituzte "argi eta garbi", Mariano Rajoy Espainiako Gobernuko presidentearena tartean. Hori dela eta, azalpenak eskatu dizkio Rajoyri.
Pastorren arabera, "oso gertakari gaitzesgarria da, ez zen inoiz gertatu behar, eta oso irudi txarra ematen dio jarduera politikoari. Gainera, agerian uzten ditu PPk eta PPren Gobernuak gardentasunaren alde hartutako konpromiso etikoak".
Nafarroa
Yolanda Barcina (UPN) Nafarroako presidentearen ustez, ''garaia da Justiziak esku hartu dezan, eta, legeak aldatu behar badira, aldatu ditzatela''.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.