Horrela jarraitu dugu Cospedalen agerraldia, eitb.comen

14:11k: Amaitu da Maria Dolores de Cospedal PPko idazkari nagusiaren agerraldia.

14:10ak: 'Informazioei ez diet inolako sinesgarritasunik ematen, ezin ditut datu horiek inola ere onartu, ez datoztelako gure kontabilitatearekin bat'.

14:07ak: 'Suitzako kontu korronteak ez du PPrekin zerikusirik, mila bider esan dut gauza bera, ezta PPko kontabilitatearekin ere'.

14:04ak: 'Paper horietan gezur ugari daude, eta, entzun dudanez, paper horiek idatzi dituzten ñpertsona batzuek ere edukia faltsua dela onartu dute'.

14:02ak: 'Harrigarria da Espainia hobeto doanean horrelako informazioak agertzea'.

13:56ak: 'Gu gara haserre, oso haserre, gauden lehenak, informazio hori alderdiari kalte egiteko atera direlako, eta informazioa zabaldu dutenek onodrioei aurre egin beharko diete'.

13:55ak: 'PPk baku-transferentziaren bidez ordaintzen die beti bere kideei, ogasunak ezarritako atxikipen fiskala aplikatuz'.

13:51k: 'Paperak manipulatu eta asmatu egin daitezke, ateratako informazioa kontrastatu gabe dago eta alderdiari min egiteko atera dute'.

13:46ak: 'PPko liderren errenta aitorpenak ikusteko aukera izango duzue, ez kazetariek eskatu duzuelako, alderdiak hasitako gardentasun-prozesuaren parte delako'.

13:44ak: 'Agirien edukiak ez du nigan eraginik izan eta ez dut uste nire lanarekin jarraitzeko oztoporik dagoenik, inola ere ez'.

13:42ak: 'Nire soldata errenta aitorpenean agertzen dena da'

13:40ak: 'Mariano Rajoy presidentea oso lasai dago'.

13:39ak: 'Paperen edukia gezurtatu egiten dugu'.

13:37ak: 'PPk ez du xantairik onartuko'.

13:35ak: 'PPk auzitegietara joko du, alderdiaren izenean eta paperetan agertzen direnen izenean, gure ohorearen kontrako erasoari aurre egiteko'.

13:33ak: 'Publikatuta agiriek ez dute PPko kontabilitatearekin zerikusirik, alderdiaren kontabilitatea argia, gardena eta zalantzarik gabekoa delako'.

13:32ak: 'Diruzaina PPko liderren zinpeko adierazpenak biltzen ari da, ez dugulako ezer ezkutatzeko'.

13:29ak: Agerraldia hasi da.

13:25ak: Cospedalen agerraldia atzeratzen ari da.

13:15ak: Maria Dolores de Cospedalen zuzeneko agerraldia, Barcenasen agiri sekretuen harian.

'El Pais' egunkariak PPko diruzain ohiaren kontabilitate sekretua argitaratu du. Agiriek alderdiaren finantziazioa legez kanpokoa izan zitekeela iradokitzen dute.