Barcenasek kontabilitate ofizialetik at ordainketarik egotea ukatu du
Luis Barcenas PPko diruzain ohiak ukatu egin du ezkutuko ordainketarik egin zitzaienik PPko buruzagiei, bera Alderdi Popularreko diru kontuen arduradun izan zen urtetan behintzat. Barcenasek ukatu egin du baita ere, PPren kontabilidadeak jasotzen dituen diru sarrerez gain besterik izan zenik.
El Pais egunkariak Luis Barcenas PPko diruzain ohiaren "agiri sekretuak" publikatu ditu gaur, eta, horren harira, Barcenas berak oharra kaleratu berri du.
"Alderdi Popularreko gerentea eta diruzaina izan nintzen urteetan, deklaratutako horiez gain, ez zen bestelako diru irteera edo sarrerarik egon", Luis Barcenasen oharrean irakur daitekeenez.
Bere garaian "gutxienez" horrelako ordainketarik egin zenik ukatu du: "inoiz ez zitzaien ezkutuko ordainketarik egin El Pais egunkariak aipatzen dituen horiei, eta ezta beste inori ere".
PPko kontabilitatearen arduradun izan zen garaian "ez zen legez kanpoko dohaintzarik edo diru-sarrerarik egon, eta guztiak ere alderdiko kontabilitatean jasota zeuden. Gainera, dohaintza guztiak dohaintzen kontu korrontean sartu ziren".
Barcenasek oharrean dioenez, beti saiatu izan zen alderdiaren diru-sarrerak eta gastuak ahalik eta gardentasun handienarekin kudeatzen. "Inoiz akatsik egin badut ere, ez dut inoiz inolako gainsoldatarik jaso, eta ez dut ezkutuko kontabilitatetik egin", gaineratu du.
Bestalde, bere kontrako "gezurrak" argitaratzen dituztenen kontra neurriak hartuko dituela iragarri du: legalak, penalak eta zibilak.
Atsekabetuta agertu da Luis Barcenas, bere ustez "informazio faltsuekin" min egin nahi baitzaiei Mariano Rajoyri eta haren ingurukoei.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.