Ustelkeriaren aurkako Fiskaltza PPren kontabilitatea ikertzen hasi da
Eduardo Torres-Dulce Estatuko fiskal nagusiak Barcenasen agiri sekretuetan ikerketa abiatzeko materiala dagoela aurreratu du, eta ez du baztertu PPko buruzagiak deklaratzera deitzea.
"Horien testigantza gertatutakoa argitzeko ezinbestekoa dela ondorioztatzen badugu, deklaratzera deituko ditugu, zalantza barik", nabarmendu du.
El Pais egunkariak Luis Barcenas eta Alvaro Lapuerta PPko diruzain ohien kontabilitate sekretuaren agiriak publikatu zituen atzo. PPko buruzagi nagusiek gainsoldatak diru beltzean jaso zituztela frogatzen ei dute horiek, eta alderdiaren finantziazioa legez kanpokoa izan zela iradokitzen dute.
Hori horrela, 13tv telebista katean egindako elkarrizketa batean, Ustelkeriaren aurkako Fiskaltza PPren kontabilitatea dagoeneko ikertzen ari dela iragarri du Estatuko fiskalburuak, eta prozesua "irekia, inpartziala eta zorrotza" izango dela eta "berme guztiak" izango dituela gaineratu du.
Horren esanetan, zer auzitegitan egin behar duten ikerketa da orain zalantza nagusia, hau da, Gurtel auziaren baitan ikertu behar den, edo atal independentea balitz bezala egin behar ote den.
Bestalde, 11 milioi euro legeztatzeko helburuz Barcenas amnistia fiskalaz baliatu zela eta, horrek ez duela diruaren jatorria ikertzea galarazten azaldu du Torres-Dulcek.
Momentuz, arrastorik gabe
Hala ere, eta komunikatu baten bidez aditzera eman duenez, Ustelkeriaren kontrako Fiskaltzak ez du, momentuz, Luis Barcenas PPko diruzain ohiari Suitzan antzemandako dirua "PPko B Kutxa deritzonarekin lotzeko arrastorik" aurkitu, eta, hala, baztertu egin du, oraingoz, Ruz epaileak PPko ustezko gainsoldatak ikertzea.
Oharrean, Fiskaltzak dio "dokumentazio berria epaitegiak Suitzako agintariei eskatutakoa da, eta, momentuz, ez dago Dresdner Bankeko kontuak eta alderdi popularreko 'B Kutxa' lotzeko arrastorik.
Hori dela eta, Fiskaltzaren erabaki bakarra Pablo Ruz Gürtel auziko epaileari Luis Barcenas lekuko gisa deitzeko eskatzea izan da. Horrekin batera, 2007ko Barcenasen errentaren aitorpena eskuratzeko ere eskatu dio, laster preskribitu egingo duelako.
Zer ikertu
El Pais-en arabera, ordainketak jaso dituztenek ez dituzte Ogasunean deklaratu, ordezkaritza gastuak izango bailiran jaso zituztelako.
Hala izango balitz, arau-haustea izango litzateke, baina ez delitu fiskala, urtean 120.000 euro baino gutxiago jaso zituztelako.
Gainera, epaileek 2007. urtetik aurrera egindako arau-hausteak baino ezingo lituzkete zigortu, gainerakoak preskribatu egin baitira.
Ikertzeko beste puntu bat hainbat enpresak PPri ustez emandako dohaintzak dira (asko eraikuntzaren sektoretik etorri ziren). Izan ere, Prisa taldearen egunkariaren arabera, Barcenasen agirietan agertzen diren dohaintzen % 70 legez kanpokoak ziren, kopurua legeak baimendutakoa (60.000 euro) baino handiagoak zirelako, edo alderdi politikoei dohaintzak ematea debeketatuta duten enpresek edo pertsonek eman zituztelako. Alderdiaren finantziazioa legez kanpokoa izan zela frogatuko luke horrek.
Zure interesekoa izan daiteke
Etchegarayk ez dio sinesgarritasunik ikusten Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogoratu die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.