Gurtel sareak bidaiak oparitu zizkion Rajoyri, La Gacetaren arabera
La Gaceta egunkari kontserbadoreak kolokan jarri du Mariano Rajoy, Espainiako Gobernuko presidentea eta PP ustez nahasita dauden ustelkeria auzien zehaztasunak argitaratzen hasi baita.
Egunkaria Intereconomia taldekoa eta PPren gertukoa da. Gaurko alean, baina, Gurtel sare ustelak Rajoyren senideei bidaiak ordaindu zizkiela publikatu du. Gainera, editorialean, auzi honetan "kirats ustela" dagoela adierazi du.
La Gaceta-ren arabera, Viajes Pasadenak, Gurtel sarearekin lan egiten zuen bidaia-agentziak, Kanariar Uharteetarako bidaia bat ordaindu zien Rajoyren emazteari, semeari eta neskameari, 2004. urteko matxoaren 18tik 22ra, hau da, M-11ko atentatuak jazo eta astebetera eta Rajoyk hauteskunde orokorrak galdu eta lau egunera.
Billeteak "[hauteskunde] kanpainan erakutsitako kemenagatik egindako oparia" izan zirela esan du egunkariak.
Hain justu, Gurtek sareak Ana Mato ministroari eta horren senarrari ere bidaiak oparatu zizkiela jakin da asteburu honetan. Poliziaren txosten baten arabera, sareak 62.000 euro ordaindu zizkion ministroari, hainbat bidaiatan, luxuzko produktutan eta urtebetetze jaitan.
Barcenas auzia
PP barruko ustezko ustelkeria sariaren polemika duela aste batzuk puztu zen. Orduan, Barcenasek Suitzan 22 milioi euro izan zituela jakin zen. Hurrengo egunean, gainera, PPko diruzain ohiak alderdiko buruei pizgarriak diru beltzean eman zizkiela argitaratu zuen El Mundo egunkariak.
Alderdian legez kanpoko gainsoldatak ematen zirela Jorge Trias Sagnier diputatu popular ohiak baieztatu zuen. Horren ildotik, gainsoldatak hilean 10.000 euro artekoak izan zirela azaldu zuen.
Auzia puzten ari zela ikusita, Rajoyk kanpo-auditoria bat agindu zuen, PPren kontuak ikertu eta alderdiaren irudia garbitzen saiatzeko.
Joan den astean, Barcenasek hainbat agiri aurkeztu zituen Auzitegi Nazionalean, Gobernuaren amnistia fiskalari esker deklaratu ez zituen 11 milioi euro erregularizatu dituela erakusteko.
PPn ustez diru beltzean kobratzen zela jakin eta gero, nortzuek egin zuten jakitea baino ez zen falta, eta zalantzak ostegunean argitu ziren, El Pais egunkariak Barcenasen agiri sekretuak publikatu zituenean. Paperotan PPren azken 20 urteotako buruzagi nagusiak nahasita daude, tartean Mariano Rajoy eta Maria Dolores de Cospedal.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.