PPko hainbat kidek aitortu egin dituzte Barcenasen agirietako kopuruak
PPko hainbat kargudunek aitortu egin dute Barcenasen agirietan agertzen diren diru kopuruak jaso zituztela. Agiriak PPko diruzain ohiaren kontabilitate ezkutuaren ustezko frogak dira, eta alderdiaren azken 20 urteotako hainbat buruzagik diru beltzean kobratu zutela frogatzen ei dute.
Paperetan agertzen diren kopuruak jaso zituztela aitortu duten azkenak Santiago Abascal PPren Amurrioko zinegotzia eta Calixto Ayesa Nafarroako Gobernuko Osasun kontseilari ohia izan dira. Aldez aurretik, Pio Garcia Escudero Senatuko presidenteak ere egin zuen.
Santiago Abascal
Amurrioko zinegotziak baieztatu egin du PPk 12.000 euro eman zizkiola 1999. urtean, ezezagunek bere dendari molotov koktelekin eraso eta gero. Helburua kalteak konpontzea zen, baina dirua nondik etorri etorri zen, hau da, "kontabilitate batean edo bestean zegoen", ez dakiela gaineratu du.
Horren esanetan, erasoak eragindako kalteak "19 milioi pezetakoak" (114.000 euro) izan ziren, baina aseguru-etxeak ez zion gastu osoa ordaindu. Horregatik, alderdiari laguntza eskatu zion.
Abascalek ez du gogoratzen nori zehazki eskatu zion laguntza, ezta eskudirutan kobratu ote zuen ere, "14 urte joan direlako", baina Euskadin alderdiaren partetik dirua jaso duen bakarra izan ez dela nabarmendu du.
Calixto Ayesa
Nafarroako Gobernuko Osasun kontseilari ohia eta PPNren zuzendaritzako kideak aitortu egin du berak jaso zuela Barcenasen agirietan Jaime Ignacio del Burgoren izenean dauden diru kopuruak (3.900.000 pezeta, 1991n eta 1992an emanak).
Ayesaren esanetan, 1991. urtean, UPNk eta PPk ituna sinatu zutenean alegia, Alderdi Popularraren zuzendaritzak Nafarroako Gobernuan kontseilari izatea eskatu zion.
Kargua onartzeak, baina, dermatologo kontsulta itxi behar izatea ekarri zion, eta, ondorioz, bere egoera ekonomikoak txarrera egin omen zuen. Horregatik, PPren zuzendaritza nazionalak laguntza ematea erabaki zuen.
Laguntza hori, baina, "ez zen legez kanpokoa izan".
Pio Garcia Escudero
El Pais egunkariak Barcenasen agiriak publikatu eta gutxira, Goi Ganberako presidenteak onartu egin zuen 2000. urteko abuztuan 5 milioi pezetako mailegua eskatu ziola PPri, baina "osorik" itzuli zuela esan zuen. "Ez da legez kanpokoa", aldarrikatu zuen.
Garcia Escuderok adierazi zuenez, garai horretan ETAk atentatua egin zuen bere etxearen aurka, eta kalte materialak handiak izan ziren. Dirua kalteak konpontzeko bideratu nahi zuen.
Halaber, mailegua Javier Arenas garai horretako idazkari nagusiari eskatu ziola zehaztu du.
PPren jarrera ofiziala Barcenasen agiriak "faltsuak" direla esatea da, hainbat datu benetakoak izan daitezkeela aitortzen duten arren.
Zure interesekoa izan daiteke
Etchegarayk ez dio sinesgarritasunik ikusten Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogoratu die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.