Parlamentuan ikerketa batzordea eratzea eskatu du Kontuz!ek
Kontuz! elkarteak gogor salatu du Nafarroako Aurrezki Kutxa fundazio bihurtzeko prozesuan dagoen "beldurra" eta "zigorgabetasunaren defentsa". Hori horrela, "osasun publikoa sustatzeko neurriak" eskatu ditu, eta Parlamentuan ikerketa batzordea sortu ez izana gaitzetsi du.
Patxi Zamora erabiltzaile, kontsumitzaile eta zergadunen elkarteko bozeramaileak Parlamentuan egin du agerraldia, elkarteak Yolanda Barcinaren, Miguel Sanzen eta Enrique Goñiren kontra, CANeko kudeaketagatik, salaketa jarri ostean.
Zamorak azaldu duenez, ez dute CAN auzia salatzeko "legezko beharrik izan, duintasunagatik" egin dute, eta Parlamentuko alderdiek ikerketa batzorde bat ez eratzea erabaki zutenez, ekimena hartu dute.
Gainera, herritarren babesa jasotzen ari direla eta nafarrak "esnatzen" hasiak direla azpimarratu du, izan ere, Kontuz!ek "siglen gainetik gehiengo soziala batzea" lortu duela adierazi du, eta ezker abertzalearekin lotzen duten adierazpenak gezurtatu ditu.
Ikerketa batzorde bat eratu izan balitz Kontuz!en jarduera ez zela beharrezkoa izango azpimarratu ondoren, egindako salaketei erantzuteko deia egin die agintariei. Hori horrela, CANen "kudeaketa megalomanoak emaitza txarrak" eman dituela eta Enrique Goñi Nafarroako gizarteak ez, Miguel Sanzen Gobernuak izendatu zuela presidente gogorarazi du.
Zamorak elkartearen helburua zein den zehaztu du: "Kontuz!en helburua ez da UPNren Gobernuak porrot egitea, baizik eta zuek guztiek, herritarren ordezkari zareten heinean, egin dituzuen ekintzen azalpenak ematea, ondorioak ondorio, izan ere, historia ahazten duenak akatsak errepikatuko ditu. Horixe gertatu da Nafarroan".
Hori dela eta, eta dimisioak eta prozesu judizialak izan diren arren, Gobernuak ikerketa batzordea errefusatzea eta hori egiteko "proposatzen dutenen ustezko jatorri ideologikoan oinarritzea" salatu du.
Alderdiak
Alderdi politikoen txandan, Bilduk, NaBaik, I-Ek eta PPk Parlamentuan ikerketa batzordea osatzea aldarrikatu dute berriro, eta PSNri jarrera aldatu eta ekimen hori babesteko deia egin diote.
Maiorga Ramirezek (Bildu) Nafarroako Kutxak galdu dituen mila milioi euroak izan ditu hizpide, eta "diru hori nola desagertu den" ezkutatu nahi dutela azpimarratu du. Ekintza horietan CANen kontseiluaren babesa izan zutela eta orain "bertan zeudenek erantzun behar dutela" iritzi dio.
Txentxo Jimenezek (NaBai) gaineratu duenez, "kudeaketa txarra ustelkeriarekin batera joan da: luxuzko bidaiak, dietak, soldata gehigarri handiak eta kreditu bigunak". "Diru publikoaren orgia bat" izan da CANen kudeaketa, Jimenezen esanetan, eta horretan "arduradun politikoen babesa edo pasibitatea izan dute lagun".
I-Eren aldetik, Jose Miguel Nuinek gogorarazi du CANen "jabetza" Nafarroako gizarteari dagokiola, eta "izan diren erabakiak zeintzuk izan diren eta nortzuk hartu dituzten jakiteko eskubidea" dutela herritarrek.
Carlos Garcia Adanero UPNren bozeramaileak berriro errefusatu du ikerketa batzordea eratzea: "Konfiantza dugu justiziarengan, objektiboa delako".
Juan Jose Lizarbek (PSN) ohartarazi du Kontuz!en "balorazioak partzialak" direla, eta gaurko agerraldian informazio gutxi eta "iritzi asko" eman dutela. Gainera, ikerketa batzordea baztertu, eta Parlamentuko agerraldien formula egokia dela iritzi dio.
Ana Beltranek (PP) gogorarazi du ikerketa batzordea eratzearen alde dagoela, "oso kritikoa" baita CAN auziaren ezaugarri batzuekin eta "gardentasun faltagatik".
Zure interesekoa izan daiteke
Lehendakariaren dekalogoa energia krisiaren kontrako neurrietan jaso izana baloratu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (arantzelarioa eta energetikoa) jasan duten industria-enpresentzako neurri espezifikoak hartzea.
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.