Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Medikuek eta fakultatiboek egindako protesta bat. Argazkia: EFE
Alberto Martinez Eusko Jaurlaritzako Osasun sailburuak, Jesus Fernandez Sanz Gaztela-Mantxako Osasun kontseilariak eta Esther Monzon Kanarietakoak gutun bat bidali diote Monica Garcia Espainiako Osasun ministroari greba medikoan bitartekari independente bat izendatzea eskatzeko.
Gutunean, erkidegoetako osasun-arduradunek bitartekari independente bat izendatzeko proposatu dute, Osasun Ministerioaren eta greba-batzordearen artean elkarrizketarako esparru neutral gisa jardun dezan. Horren helburua izango litzateke negoziazio konstruktiboa izateko espazio bat irekitzea, elkarrekiko konfiantza-giroa sortzea eta gatazkaren ondorioak pazienteengan eta osasun-zerbitzuetan luzatzea saihestuko duen irtenbide bateratu bat bideratzen laguntzea.
Proposamenak jasotzen duenez, Pazienteen Erakundeen Plataforma erakunde egokia izan daiteke bitartekari-lan hori egiteko, independentzia handia eta interes orokorrarekiko konpromisoa baitu. Nolanahi ere, azpimarratu dute estatu-mailan hautatzen dela bitartekaria, eta premiazkoa dela bitartekaritza-mekanismo eraginkor bat lehenbailehen abiaraztea.
Osasun-arretan duen eragina
Estatutu markoaren inguruan kolektiboaren eta Osasun Ministerioaren artean dauden desadostasunek eragin dute greba hori, horien esanetan, eta estatu-mailako gatazka den arren, ondorioak zuzenean pazienteei eta osasun-zerbitzuei eragiten diete, tentsioa areagotuz.
Gutunaren arabera, grebaren eragin asistentziala oso handia da, eta presio handiagoa egiten du autonomia-erkidegoetako osasun-sistemetan. Horregatik, eskutitzaren igortzaileek ezinbestekotzat jotzen dute osasun-arretaren jarraipena eta kalitatea bermatuko dituen elkarrizketa bidezko irtenbidea bilatzea.
Ministroari bidalitako gutunean adierazi dutenez, gobernu autonomikoak oso kezkatuta daude Ministerioaren eta medikuen arteko elkarrizketan aurrerapen nabarmenik egin ez delako, eta bitartekaritza-kanal independente bat irekitzeak elkar ulertzen lagundu dezakeela erantsi dute.
Autonomia-erkidegoetako osasun-arduradunak Ministerioaren esanetara jarri dira, elkarrekin lan egin dezaten gatazka modu positiboan konpontzeko.
Zure interesekoa izan daiteke
Nafarroako ikastolek uste dute oraindik badagoela "negoziatzeko tarterik" hezkuntza itunen inguruan
Nafarroako Parlamentuak UPNren lege-proposamena eztabaidatuko du ostegun honetan, ikasgelak aldatzeko irizpideak finkatzea helburu duena.
Pradalesek uste du Vatikanora egindako bisitarekin Euskadiren eta Egoitza Santuaren arteko harremana indartu egin dela
Imanol Pradales lehendakariak Leon XIV.a aita santua agurtu du Vatikanoko audientzia orokorrean, eta, ondoren, ia ordubetez bildu da Pietro Parolin Estatu idazkariarekin. "Balio sinboliko eta instituzional handiko topaketa izan da, Euskadiren eta Egoitza Santuaren arteko harremana sendotzeko aukera" ematen duela ziurtatu du.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".
Chivitek bere "zintzotasuna" jarri du "berme" gisa: "Inork ez du nire jardunean deliturik aurkitu, ezta aurkituko ere"
Nafarroako Gobernuko presidenteak agerraldia egin du Nafarroako Parlamentuko ikerketa batzordean, eta azpimarratu du bere gobernuan ez dagoela ustelkeriarik.
Pradalesek aita santua Euskadira gonbidatu du, eta "Gernika" lanarekin eta euskararekin lotutako opariak eman dizkio
Eusko Jaurlaritzak oparien balio sinbolikoa nabarmendu du, memoria historikoa, bakearen defentsa eta kultura- eta hizkuntza-aniztasunaren babesa aldarrikatzen baitute.
Geroa Baik akordioa bultzatu nahi du sozialistekin, itunpeko ikastetxeetako ikasgelak ixtea saihestu eta hezkuntza sistema soseguz berrantolatzeko
Unai Hualde, Geroa Bairen Nafarroako Parlamentuko Presidenteak aitortu du tentsio handia sortu duela PSNren eta Geroa Bairen artean, Hezkuntza kontseilariak ikasgelak ixteari buruz egindako iragarpenak, batez ere ikastolak ahulduko dituelako. Geroa Baik ikasgelarik ez ixteko eta hezkuntza sistema soseguz berrantolatzeko denbora eskatu dio alderdi sozialistari. Bihar bozkatuko dute Foru Gobernuan UPNk itunpeko ikastetxeak blindatzeko aurkeztu duen lege proposamena, eta, hori bozkatu beharrik ez izateko, biharko bozketaren aurretik gobernuko taldeen artean akordioa lortzea nahi du Hualdek.
Albiste izango dira: Pradales lehendakariaren eta Leon XIV.a aita santuaren arteko bilera, Trumpen bidaia Txinara eta "Enarak" dokumentalaren estreinaldia ETB1en eta ETBONen
Orain-ek gaur landuko dituen albiste nagusien laburpena.
Pradales lehendakaria Leon XIV.a aita santuarekin bilduko da gaur, Vatikanoan
Imanol Pradales lehendakariak audientzia orokorrean parte hartuko du, Leon XIV.a aita santuak gonbidatuta. Eusko Jaurlaritzaren arabera, balio handiko bilera izango da, eta Euskadik nazioartean duen presentzia instituzionala indartuko du.
Otxandianok euskararen gaian berdinen arteko negoziazioa egin dadila eskatu du, eta Olanok erantzun du prozesuan ados jar daitezkeela
EH Bilduk Enplegu Publikoaren lege proposamenak parekotasunez negoziatzea eskatu dio EAJri. Jeltzaleek, ordea, edukiei dagokionez elkarrengandik oso urrun ikusten ditu bi proposamenak.
Uxue Barkosek ukatu egin du bere agintaldian ustelkeriarik izan zela, eta zirutatu du ez duela Cerdanekin sekula negoziatu
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko ikerketa batzordean.