Nafarroako Parlamentuak Barcinaren dimisioa eskatu du CAN auziagatik
Nafarroako Parlamentuko Bozeramaileen Mahaiak eta Batzarrak adierazpen instituzionala onartu du Nafarroako Kutxako kudeaketagatik Yolanda Barcina Nafarroako presidentearen dimisioa eskatuz.
Bilduk eta Aralar-NaBaik aurkeztutako adierazpenak PSNren eta Izquierda-Ezkerraren babesa jaso du eta UPNren eta PPren aurkako botoak izan ditu.
Adierazpenak honakoa dio: "Parlamentuak Nafarroako Gobernuaren eta bere presidentearen, Yolanda Barcinaren, jarrera gaitzesten du, Nafarroako Kutxako kudeaketagatik; hori dela eta, dimisioa eskatzen du".
Oposizioko taldeek ordea, ez dute bat egin zentsura-mozio bat aurkezteko garaian, hautagai alternatibo bat adostea behartuko lukeen akordioa, baina Barcinak dimisioa emateko beharra azpimarratu dute.
"Ganberak gaitzespen irmoa adierazi nahi du Barcinaren, Miguel Sanzen, Enrique Maya Iruñeko alkatearen eta Alvaro Miranda Ekonomia sailburu ohiaren aurkako jarrerarengatik". Lauak Erakunde Sortzaileen Batzorde Iraunkorreko kide ziren. Orain arte ezezaguna zen elkartea eta bertatik jasotzen omen zituzten dietak.
Adierazpen instituzionalak "Nafarroako Kutxaren arduran izandako jarrera" kritikatu du, "era irregularrean aberastu zirela argudiatuz, dietak jaso eta herritarrei ezkutatzeko asmoz".
Eskaera horri erantzutea espero dute orain alderdiek. Hala ere, horrek ez du dimisioa ematera behartzen, nahiz eta oposizioko taldeen arabera "inplizitutako zentsura-mozioa" den.
Adierazpena
Adierazpena onartu duten alderdien artean, Roberto Jimenez PNSko idazkari orokorrak "Barcinak ez du gure konfiantza, erkidegoarentzat oztopoa da eta dimisioa eman behar du", esan du.
Patxi Zabaleta Aralar-NaBaiko bozeramailearen iritziz, adierazpena Barcinaren aurkako "zentsura" da eta Bakartxo Ruizek (Bildu) "zentsura-mozio inplizitua" dela esan du. Gainera, Barcinak aintzat hartu ezean, ez dute baztertzen zentsura-mozio formala aurkeztea.
Marisa de Simonen (I-E) iritziz ere "eskandalua" da auzia eta herritarrek nahasita dauden politikariekiko "konfiantza galdu" dutela esan du.
Popularren kontrako botoa "teknikarekin" ados egon ez direlako izan dela argudiatu du Eloy Villanueva bozeramaileak, nahiz eta Barcinaren jarrera gaitzesgarria dela esan duen eta ardura politikoak bere gain hartzeko eskatu dio.
Bestalde, Sergio Sayas UPNko Komunikazio idazkariaren iritziz "harrigarria da PSNk nazionalistekin bat egin izana Yolanda Barcinaren dimisioa eskatzeko, sozialistek Nafarroako Kutxako dietengatik jasotako dirua itzultzeko asmorik ez dutenean".
"Presidentea demokratikoki hautatu zutenetik bilatu duten estrategia da, ez zutelako hauteskundeetako emaitza onartu", esan du.
Barcinak ez du dimisioa emango
Barcinak dimisioa ematea baztertu du COPE irrati katean, baina "une zailak" bizi dituela onartu du. Hala ere, asteburuan "jende askok animoak" eman dizkiola esan du eta "beharrezkoa ez zen arren, dietengatik jasotakoa itzultzeagatik eskerrak eman dizkiotela" nabarmendu du.
Parlamentuan onartu duten adierazpen instituzionalaren inguruan, "harrigarria" iruditzen zaio, "aurreko Gobernuan sortu zen Erakunde Sortzaileen Batzorde Iraunkorraz hitz egiten den unean, ardura nirea bakarrik izatea eta bertara joan ziren beste guztiei ezer ez esatea".
Barcinaren agerraldia
Azkenik, Nafarroako Parlamentuko Mahaiak eta Bozeramaileen Batzordeak PSNren eskakizun bat onartu du eta Yolanda Barcinak CANen birmoldaketaren inguruan azalpenak emateko gerraldia egin beharko du.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.