Yolanda Barcina UPNren presidente hautatu dute berriro
Yolanda Barcina UPN alderdiaren presidente izendatu dute berriro igande honetan Iruñeko Baluarten izandako UPNren IX. Kongresuan. Nafarroako Gobernuko presidenteak botoen % 51,58 lortu du; Alberto Catalan UPNko presidenteorde eta Nafarroako Parlamentuko presidentearen hautagaitzak, berriz, botoen % 47,27 eskuratu du.
Halaber, Juan Antonio Sola UPNren presidenteorde hautatu dute (botoen % 51,31). Oscar Arizcuren alderdiaren idazkari nagusia izango da, botoen % 50,65 lortu ostean.
Emaitzak ezagutzera eman dituztenean, Barcinaren aldeko oihuak ("presidentea, presidentea") eta baita kontrakoak ere ("kanpora, kanpora") izan dira entzungai.
UPNk, azken 17 urteetan erkidegoa gobernatu duen alderdiak, zuzendaritza berria hautatu du IX. Batzarrean, "Arreta Nafarroan jarriz" lelopean.
Aurtengo Batzarra zatituta egon da, Barcinaren eta Catalanen aldekoen artean, eta Nafarroako Kutxako dieten polemikarekin nahastuta; izan ere, bi politikariak, beste hainbatekin batera, egon dira tartean.
Terrorismoaren biktimak oroitu dituzte Batzarraren hasieran, batik bat, Tomas Caballero eta Jose Javier Mugica ETAk hildako alderdikideak.
Ondoren, orain arte alderdiko idazkari orokor izan den Carlos Garcia Adanerok 2012ko kontuen eta jardueren balantzea helarazi du.
PNSrekin akordioa
Yolanda Barcinak "alderdiak azken asteetan bizi izan duen aztoramen latza atzean uztearen" alde egin du, eta esperientzia honetatik "biziago" atera dela esan du.
Batzarraren azken diskurtsoan, "guztiok gara UPN" nabarmendu du eta alderdiaren zuzendaritzan Alberto Catalanekin elkarlanean egon nahi duela esan du.
Bestalde, "PSNrekin akordioak lortzeko lana areagotu" behar dela esan du, "denen interesean oinarritutako akordioak". UPN "Espainiako Konstituzioan eta Foru Hobekuntzaren Legean sinesten dugun alderdien babes politikoa negoziatzeko indartsuago" atera dela esan du Barcinak.
"Negoziaziorako ateak zabalik ditugu eta PSNri deia egiten diot krisi ekonomiko garai honetan inoiz baino gehiago erkidegoan behar dugun egonkortasuna lortzeko", azpimarratu du.
'Zatiketarik gabe'
Kongresuaren ostean UPN "sendo eta zatiketarik gabe" egoteko itxaropena azaldu du Miguel Sanz UPNren presidente ohiak. Kazetariei egindako adierazpenetan Sanzek esan duenez, "ez dut uste alderdian zatiketarik egongo denik, ez dagoelako desadostasun ideologikorik".
'Gobernu ahula'
Yolanda Barcinak azken egunetan esan zuenez, bi hautagaitza aurkeztu izanak Nafarroako Gobernua "ahultzen" du, baina ukatu egin zuen irabazle atera ezean hauteskundeak deitzea.
Bestalde, Alberto Catalanek adierazi zuen hori "arduragabekeria" izango litzatekeela: "Ez dut zalantzarik: hori ez da hori gertatuko inolaz ere".
Bi hautagaiek bide luzea izan dute hautagaitza bakarra aurkezteko akordioa hautsi zenetik; izan ere, Yolanda Barcina presidente eta Catalan presidenteorde izateko hautagaitza bateratua aurkezteko proposatu zitzaien hasiera batean.
Azkenean, bi hautagaiek euren bidea bakarrik egitea erabaki zuten eta bakoitzak bere taldea aurkeztu du.
Zure interesekoa izan daiteke
Lehendakariaren dekalogoa energia krisiaren kontrako neurrietan jaso izana baloratu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (arantzelarioa eta energetikoa) jasan duten industria-enpresentzako neurri espezifikoak hartzea.
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.