Fiskaltzak 'iritziak epaitu' nahi dituela salatu du EH Bilduk
Juanjo Agirrezabala EH Bilduren legebiltzarkide eta Eusko Legebiltzarreko lehen presidenteordeak salatu egin du EAEko Fiskaltzak Laura Mintegi koalizio abertzalearen bozeramailearen aurka ikerketa abiatu izana, eta helburua "iritziak epaitzea" dela deitoratu du.
EH Bilduren hainbat legebiltzarkiderekin batera egindako agerraldi batean, Agirrezabalak babestu egin ditu Mintegiren hitzak, eta Fiskaltzak ikerketak ibilbiderik ez duela jakin badakiela adierazi du, legebiltzarkideak "forupekoak eta bortxaezinak" direlako.
"Hau hitzaren etxea zela esan ziguten, eta gure iritziak defendatzera etorri ginen Legebiltzarrera. Hitz egitera, adostera eta negoziatzera etorri gara. Ekarri ditugun iritzi guztiak politikoak dira, baina hau hitzaren etxea izatetik iskanbilen eta kereilen etxea izatera pasatu da", esan du.
EAJ
Eusko Legebiltzarrean EAJren bozeramaile den Joseba Egibarren iritziz, "esku-hartze onartezina" da Fiskaltzak Mintegiren adierazpenak aztertzea, "legebiltzarreko egitekoei eta iritzi, ekintza eta botoen bortxa-ezintasunari eragiten dioten oinarrizko eskubideak urratzen" dituelako.
Ordezkari jeltzalearen iritziz, Fiskaltzaren jarrera, "beste hainbatetan bezala, Madrildik zuzenduta, iradokita edo eskatuta etorriko da ziurrenik".
PSE-EE
Jose Antonio Pastor PSE-EEko bozeramaileak egokitzat jo du Fiskaltzak ikerketa abiatu izana, eta Mintegiren adierazpenak "egungo egoera politikoarekin" bat ez datozela iritzi dio.
Halaber, bozeramaile abertzalearen hitzak biktimentzat "iraingarriak" direla eta Sorturen estatutuen "zintzotasuna" zalantzan jartzen dutela erantsi du. "Gutxienez, Fiskaltzak ikertu beharra dauka", esan du.
PP
Arantza Quiroga PPko bozeramaileak, berriz, Fiskaltzaren erabakia "errespetatzen" duela esan du, eta legebiltzarkideen adierazpen askatasunak "mugak" dituela eta ezin duela balizko deliturik babestu azaldu du.
Quirogak aitortu du legebiltzarkideek euren "adierazpen askatasuna" babestuta dutela, baina hori horrela dela "beti ere" adierazpen horiek "deliturik egiten" ez badute, eta kasu honetan, hain justu, "terrorismoa goratu izan zitekeela" azpimarratu du.
UPyD
Gorka Maneiro UPyDko bozeramailearen aburuz, Fiskaltzak hartutako erabakia "oso egokia" da, eta azpimarratu du EH Bildu sortu zenetik ari dela "ETAren ekintza kriminalak goratzen".
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.